2 SAMUEL 24:11 - Cho Bible Common Language 2016

^11-12 Bawipa naw, David ah prophet Gad am, “Hteit ne David am na m’thein vai cu, kei naw a ghü vai thum ka pek ci. Ani naw a ghü cu kei naw ka bik khai nei” cik ci. A ngawi ung khaw ngawi David a thawh law kawn ah,

2 SAMUEL 24:11 Referans Kwoze

1 SAMUEL 22:5

Cun kawn ah prophet Gad cu David ah law neta, a pyen cu, “Shin ung kä om tu vä, Judah khaw ah tuhbäi hteit ba vä” cik ci. Cun ah kyasei David cu Hereth bung ah hteit ci.

1 SAMUEL 9:9

Saul naw, “Nik khai nei! Ni hteit khai” cik ci. Cun kawn ah ngani cu theingcim ciah chang ah om nak ah hteit ci goi. Ngani cu gawnu lam khaw gui ung ani hang kai vü yah ung, tui than khai lawk ci gui ah hnumi hta gui cu hmuk ci goi. Ani naw hnumi hta gui ng’shi ni ne, “Gawnu ah mikhmuk ci om ne ang?” cik ci goi. (Cun yah ung prophet am mikhmuk ciah pyen ci gui, Khanpughi ng’shi hlük ciah chang phung naw, “Mikhmuk ciah mi hteit khai,” ci man ci.)

1 SHONTÄP NAK 29:29

David ghangpughang ah a mawng tün nak ungka naw ang pyi nak ung khüt sei, prophet gui thum ah ca ung ami guk ah kyak ci, cun gui cu Samuela, Nathan, la Kad ah kyak ci.

1 SHONTÄP NAK 2:19

Azubah a sih kawn ah Kaleb naw Ephrath chu naba ci, ani ung hta pami Hura om ci.

1 SHONTÄP NAK 21:9

Cun kawn ah Bawipa naw David ah prophet Kad am, “Hteit ne, David am,

1 SHONTÄP NAK 25:5

Ghangpughang ah prophet Heman am Khanpughi naw shin ah hta pami gha lei phli la hta hnumi thum pek ci, cun cu a shaitak ah mäih ah Heman am huham a pek ah kyak ci.

2 SHONTÄP NAK 29:25

Ghangpughang ah prophet Kad la prophet Nathan ungka naw Bawipa naw ghangpughang David am a pek ah m’shümthein nak gui cu ghangpughang naw läk ci. Levit gui cu tingtäng la ng’sheei gui pe gui ne Taigüim ung tha gui ci.

2 SAMUEL 12:1

Bawipa naw prophet Nathan cu David ah tüi ci. Nathan naw ani ah hteit neta, “Pigaw ät ung om ciah chang hnih om ci goi; tumat cu bühmang ci, tumat cu dukhaih ci.