2 SAMUEL 24:1 - Cho Bible Common Language 2016

¹ Bawipa cu Israel gui ah khan ah m’lungshe ba mä ci, ani naw David cu, ami khan ah yaica nak abi vai ah bik ci. Bawipa naw ani am, “Hteit ne Israel gui la Judah chang gui cu khei gui ä” cik ci.

2 SAMUEL 24:1 Referans Kwoze

1 SHONTÄP NAK 21:1

Satan naw Israel chang gui ah khan ah yaica nak law püi hlü neta, David naw chang ak khei vai ah k’bäi sak ci.

LAMKTU 4:28

Cun ah ami bum cu na hlüng tai nak lah nang yak nak hlü awn nak bäi pyi gui a khüm be nak vai ah kyak ci nei.

EZEKIEL 20:25

“Cun kawn ah kei naw kä nik ciah thukhän gui la ghin nak pek ciah thumkhän gui cu kei naw ka pe gui ci.

EZEKIEL 14:9

“Prophet tumat cu hleei hlak ne kä hman ciah m’hlan nak a pek ah a kyak ung, cun cu kei Bawipa naw k a m’hleei hlak ah kyak ci nei. Kei naw ani cu Israel Chang ungka, ka heeng khai.

2 SAMUEL 16:10

Ghangpughang naw Abishai la ana Joab am, “Shin cu nang ah bi ah kä kyak ci, ana shai nak cu Bawipa naw a shai vai ah am thein nei, a i ah kyasei shin ah abi cu ani naw ng’shi hning ci nei.

2 SAMUEL 12:11

Kei naw ng’gun ne ka ning pyen nak cu, na mät ah kyong chang tumat mat naw, na mät ah khan ah khüikha nak a law püi vai ah kei naw ka bik khai. Kei naw na chu gui cu la ne a hei pami am ka pek khai, cun cu na hmuk khai, ani naw ngami cu khaw dei ung ng’yaw püi gui khai.

1 SAMUEL 26:19

Ka bawimang, ka pyen law vai ah thu cu ngai ä. Kei na na hnu ng’tuk püi vai ah Bawipa naw ning tüi ciah a kyak ung, ani am dou thak naw am lung thawng sak khai; chang ah bi ah a kyak läi ung ami khan ah Bawipa ah plah taam nak om sä. Ngami naw kei cu Bawipa ah khaw lei ung ka, a hei khanpughi gui khawihnah nak vai ah akhaw hei ah na k’täm ci gui nei.

PHYAWN NAK 7:3

Cun ung phi ghangpughang cu kei naw ka ling sak khai, ani naw kä ning ngai khai, Egypt khaw ah kyihkyawk vai a i chü ka bi ung phi ani naw a i ah kä ngai khai. Cun kawn ah nuipai ciah m’kyuk nak cu Egypt ah khan ah law püi ne, ka changpakhui gui cu cun ah khaw ungka ka hteh püi ba gui khai.

ATÜNNAK 50:20

Nangmi naw kei cu akshe ah nami na kyak nak ci, cun ung phi cun cu Khanpughi naw akni ah m’hlat ci nei, Tuh ngawi om ciah chang akda ah ghin nak vai ah bi pyi ci nei.

ATÜNNAK 45:5

Kei nami na yoih ah phäh ah kä nami thüi vai, kä nami m’lungshe vai, kei a shia ah law ma ne, chang gui ah hnun-gui ka k’phiawn khai ah Khanpughi naw ana tüih law ah kyak ci nei.

2 THESSALONIAN 2:11

Cun ah kyasei Khanpughi naw hmakat nak ah hlüngtai nak cu cun ah chang gui ah ng’lung ah bi bik khai ah tüi law sei, ngami naw akshekha cu akcang ah ngai ne yum ci gui.

TAIGÜTHUM 10:6

Cun kawn ah Moses naw Aaron la a hta goi Eleazar la Ithamar am, “Nani lu kä huih ne kä nani om en vai, nani thüisei ciah mäih ah nani sui kä nani k’teh en vai. Cun ah nani bi ung nani sik khai, chang van ah khan ah Bawipa cu m’lungshe khai. Cun ung phi nami Israel chang gui ami van cu Bawipa naw a yuk chah law ah mei awn sik ciah phäh ah ami kyah vai nei.

KHEI NAK 1:19

Bawipa ah thumkhän ah mäih ah bik ci gui. Sinai Bung ah Moses naw chang gui ah ming cu guk ci.

1 SHONTÄP NAK 7:2

Tola ung a hta pami chuk om ci: Uzzi, Rephaiah, Jeriela, Jahmai, Ibsam la Shemuela. Ngami cu Tola pahta kyong gui ah ung ami ng’vai gui ah kya ne, mingthang ciah gakap gui ah kyak ci gui. Ghangpughang David ah khin ung ami htangshon gui cu 22,600 lawk ci gui.

SUKI GUI 2:14

Bawipa naw Israel gui ah khan ah m’lungshe aih neta, ng’tuk’bi gui am tuk sak gui ci. Ani naw ga gui avan cu ami khaw ah huham mah sak gui khäta, Israel gui cu ami mät naw ami mät kä shung vong ba hning ci gui.

SUKI GUI 2:20

Cun kawn ah Bawipa naw Israel gui ah khan ah m’lung she neta a pyen cu, “Kei naw ami pupa gui am, ami khäm vai ah ka ng’thu khan ah thukhän cu shin ah pakhui naw m’shet pyi ci nei. A i ah kyasei ci ung ngami naw kei kä na läk ci gui,

2 GHANGPUGHANG GUI 3:6

Ghangpughang Joram cu ang ghit ah Samaria ungka naw hteit ne gakap avan k’bum gui ci.

1 SHONTÄP NAK 7:40

Shin gui avan cu Ashera ah htangshon gui ah kyak ci. Ngami cu kyongchang ung angvai gui, ng’tuk bi nak ung mingthang ciah chang gui, bä ciah lamma gui ah kyak ci. Ashera htangshon ungka 26,000 naw gakap bii hning ci.

2 SHONTÄP NAK 32:25

Cun ung phi Hezekiah cu chang ah ng’shei aih ne, Bawipa naw ani ah khan ah abi ah bä nak cu kä m’dan hlük ci, acun ah phäh ah Judah la Jerusalem cu yaica ci gui.