2 SAMUEL 23:8 - Cho Bible Common Language 2016

⁸ Shin gui cu David ah mingthang ciah gakap gui ah kyak ci: a tumat nak cu Josheb Basshebeth, ani naw ak htei kawt sei chang phia cheit awn ng’tu u ne, ng’tuk nak tumat ung avan ngawn gui ci.

2 SAMUEL 23:8 Referans Kwoze

1 SHONTÄP NAK 27:2

Shin gui cu ak cha päng ah phäh ah khawngmang ci gui ah kyak ci: Acha ät nak: Zabdiela ah hta Jashobeam (ani cu Judah pakhui ah ng’pai, Perez pahta ungka ah kiak ci.) Acha hnih nak: Ahohi ah hta ng’shon, Dodai (Mikloth cu ani tawi ciah bawi ng’vai ah kyak ci.) Acha thum nak: Taigü Jehoiada ah hta Benaiah ani cu “Thumkip” ah ami ng’vai ah kyak ci (Ariah hta Amizzabad cu ani ah a hnün ung bawi ng’vai ah kya lawk ci) Acha phli nak: Joab ah naw Asahela (ani cu a hta Zebadiah naw tawi ba ci.) Acha hma nak: Shamhuth, Izhar ah htangshon. Acha chuk nak: Ira, Tekoa ah ka Ikkesh ah hta. Acha chih nak: Helez, Pelon ah ka Ephraim chang. Acha Cheit nak: Sibbecai, Hushah ah ka. (Ani cu Judah pa ng’pai, Zerah pahta ungka ah kyak ci.) Acha kaw nak: Abiezer, Benjamin pakhui khaw Anathoth ungka ah kyak ci. Acha gha nak: Maharai, Netophah ungka (ani cu Zerah pahta chang ah kyak ci.) Acha gha lei ät nak: Benaiah, Benjamin Pakhui khopäng Pirathon ungka. Acha gha lei goi nak: Netopha ungka Heldai (ani cu Othniela ah htangshon ah kyak ci.)

1 SHONTÄP NAK 27:32

Jonathan, David ah pukhaw cu m’cumcäi thei ne, ng’langkha ciah kyak ci. Ani la Hachmoni ah hta Jehiela cu ghangpughang ah hta gui ah ca ng’thei nak vai ung tängpang ci goi.

1 GHANGPUGHANG GUI 1:8

Cun ung phi taigü Zadok, Jehoiada ah hta Benaiah, prophet Nathan, Shimei, Rei la David ngäng ciah chang gui cu Adonijah täng ah kä kya tuk ci gui.

1 SHONTÄP NAK 11:10

Shin cu David ah mingthang ciah gakap gui ah ming gui ah kyak ci. Israel chang gui awn atäng ah, Bawipa ah shaitak ah mäih ah ani ghangpughang ah a kyak law vai ah m’hteihtang ci gui, ngami naw ani ah uknak khaw khüighat law pi khai ah bik ci gui.

SUKI GUI 15:15

Cun kawn ah ani naw kä a shou pha ung sik ciah sela ah am kha guh cu hmu neta, kawp ne yuk la neta, acun am chang phia gha ngawn gui ci.

2 SAMUEL 10:7

David naw cun cu ng’ya neta, Joab cu gakap avan awn ana tu gui khai ah tüi ci.

1 SHONTÄP NAK 27:1

Shin cu Israel chang gui ah ami kyong ung ami ng’vai gui, pahta ung ng’vai hta gui, uknak khaw bii nak ung uknak bik ciah bawi gui ah kyak ci. Khokum ah a cha päng ung bumät ung 24,000 ciah ami bum ah chang gui naw, a cun ah cha ung khawngmang ciah ka ung ami bi vai ah kyak ci.