2 SAMUEL 23:5 - Cho Bible Common Language 2016

⁵ Shin cu Khanpughi naw ka hta ng’shon gui am a i cha ah hriham apek vai ah mawng ah kyak ci, a i ah kyasei ci ung ani naw ng’täi ciah thukhän cu kei ung bik ci nei, yum yawp nak cu kä ng’phyek khai, shai tak cu kä ng’thawng khai. Cun cu kei ah ng’yak hlü avan ah kyak ci; a cun cu kei ah näng nak ah kyak khai, Cun cu Khanpughi naw akcang ah law püi khai.

2 SAMUEL 23:5 Referans Kwoze

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

JEREMIAH 32:40

Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

HEBRU 6:19

Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.

LAMKTU 13:34

Sih nak ungka a thawh ba ah mawng la ng’cim hmun ung kä a gawk ba phung vai ah mawng cu, Khanpughi naw; “David ah ma ah shai ka taak ah mäih ah, Nang mi am phi A theing la hriham cu ka ning pe gui khai, ci ne pyein ci.

AMOS 9:11

Bawipa naw, “Kei naw David ah uknak khaw ka cawh kyan ba nak vai ah akhin cu gawk lawk ci nei, cun cu ng’phyek ciah im ah mäih ah kyak ci nei. Akpaang gui cu piang ba ne, ka bum gui khai. Cun cu kei naw co ba ne, acau kaa ah mäih ah ka pyang ba khai nei.

EZEKIEL 37:26

Kei naw ngami awn thukhän ka bik khai, acun naw ngami cu khan gui sei ngawizä ngaih gep ne om khai gui. Kei naw cokyang ba gui ne, ami chang ka da sak gui khai, ami khaw ung ka Taigüim ka tha khai, cun cu ngawi yä a cu ah om khai.

ISAIAH 61:8

Kei naw taga nak cu ka m’hni ci, shedam nak la cheishoh nak cu ka thüi nak ci. Kei naw ka chang gui ung bekhüt ka m’cümhnah gui khai, Nangmi awn ng’täi ciah thukhän ka bik khai.

ISAIAH 27:6

Lawk ciah hnüüp gui ung, Jakob ah hta ng’shon, Israel chang gui cu sing ah mäih ah ng’yung pya u ne, khomdek cu küm khai nei.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

SAM 119:81

Kei kä ka näng ba ci, Bawipa, na na hun vai ka ning ngäng ci nei; Na thu ung ka zumhtek nak ka ap ci nei.

SAM 89:3

Nang naw, “Ka ghü ah chang awn ng’thumkhän cu ka bik ci nei; Ka changshäm David ung shai ka tak ci nei,

SAM 62:2

Ani bäng naw na shung ne na k’phyawn ci; Ani cu ka ng’shung nak ah kyasei, Kei a i naw kä na hnim khai.

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

1 GHANGPUGHANG GUI 12:14

Chang nong gui ah m’cäi tu ah mäih ah ani naw bik ci. Ani naw pyen ci, “Kapa naw phuih gih ning phuih sak gui ci; kei naw gih pi ci ka ning phuih sak gui khai. Ani naw htung cih awn ning that gui ci, kei naw htung tawn awn ka ning that gui khai.”

1 GHANGPUGHANG GUI 11:38

Nang naw kei cu akbe ah na ng’ngai ne, ka thukhän awn ghing ne, ka changshäm David ah bi ah mäih ah, ka thumkhän ah mäih bi ne, ka ng’yak hlü ah na om ah a kyak ung, kei naw angtäi sei ka ning om püi khai. Kei naw nang cu Israel ghangpughang ah ning pyang ne, nang ah kawn ah na hta ng’shon gui naw ami uk vai cu ng’hteicha khai ah ka bik khai, cun cu David ung ka bi ah mäih ah kyak ci.

1 GHANGPUGHANG GUI 1:5

Tuhbäi Absalom a sih kawn ah, David la Hakkith ah hta Adonijah cu htapami ang vaipi ah kyak ci. Ani cu ang htei ah kyom ci. Ani cu David naw a i ung phi kä am cäi ä man ah kyak ci, ani cu ghangpughang ah kya hlük ci. Ani ung amät ah hmawk ah yatha gui, ng’se gui la ani ngäng ciah ak chang hma kip om ci.

2 SAMUEL 18:14

Joab naw, “Nang awn akhin kä ka ng’pyi sak khai nei” cik ci. Ani naw htei thum la neta, oak sing ghing ung ng’bat ne ghing yah ciah Absalom ah ng’kyang ung ng’täih khai ah shun ci.

2 SAMUEL 13:28

Achangshäm gui cu m’cäi gui ne, “Nami geing nak vai, Ammon naw akdäm a awk law ung, ka ning khü gui khai, nami ngawn vai, kä nami kyih vai. Kei naw ka mät ah bi vai cu ka bik khai. Nami nget vai, kä nami kut ng’gin vai!” cine m’cäi gui ci.

2 SAMUEL 13:14

Cun ung phi ani naw kä ngai ci; ani cu hnumi ah ta gai tu ba ci kya ne, ani naw m’khüt ne, pyei ci.

2 SAMUEL 12:10

Tuhbäi, ang shon päng ung, na hta ng’shon amshah cu ng’sai ung sik khai, a i ah kyasei ci ung nang naw ka ng’thu kä na ngai ci. Uriah ah chu phi na gut ci.

2 SAMUEL 7:18

Cun kawn ah ghangpughang David cu Bawipa ah om nak phung kyong ah lut ne, ngo ne taigü ci, “Kei ah phäh ah na bi pyi gui cu kei awn kä khin kha ci nei, uktu Bawipa, ka kyongchang awn phi kä khin kha ci nei.

1 SAMUEL 25:28

Saza, na bä ni, na m’geinsei ä, hma nak ka bi phung cu. Bawipa naw ghangpughang ah ning hmoh khai, na hta ng’shon gui phi a cun ah kyak khai, a i ah kyasei ci ung, nang cu ani ah phäh ah ng’tuk na bik ci; nang cu na ghin ah chuih akshe kä na bik ci.

1 SAMUEL 2:35

Kei ung bekhüt khai la kei naw abi vai ka ng’yak hlü päng bik khai ah taigüpa cu kei naw ka ghü khai. Kei naw hta ng’shon nak ka pek khai, acun naw angtäi sei, kei ah ghü ah ghangpughang ah ma ah bi bik khai.

ATÜNNAK 9:16

Khongmei ung yapi angdang law ung kei naw hmu ne, kei la khomdek khan ak ghing gui ah ng’lak ung angtäi om ciah ng’thukhän cu ka shüm ba khai nei.

2 SAMUEL 7:12

Nang na sih ung na pupa gui awn a täng ah ning m’cim ne, na hta gui ungka tumat cu ghangpughang ah ka pyang khai, ani ah uknak khaw cu khüi ghat khai.

ISAIAH 54:10

Khomhtung, khogui gui cu pyawn khai gui, cun ung phi kei naw nangmi ka ning m’hni nak gui cu kä ng’pyi khai; Dimdeeih nak ah shai ka tak cu kei naw angtäi ah ka k’pang khai.” Ning m’hni gui ciah Bawipa Bawipa naw cun ah pyen ci.

JEREMIAH 33:21

A cun ah mäih ah kei naw ka changshäm David ung thukhän ka bik ci, angtäi sei ani ah htangshon cu ghangpughang ah kyak khai, levi pakhui taigü gui ung phi thukhän ka bik ci, ngami naw angfäi sei dab ii bik khai gui; cun ah thukhän cu kä shekak khai.

SAM 111:9

Ani naw a chang gui cu phyawn sak gui ne, ng’täi ciah thumkhän cu be püi gui ci. Theingcim ne m’gäi cicu ani nei!