2 SAMUEL 23:4 - Cho Bible Common Language 2016

⁴ ng’mei kä om ciah khaw thaih hta ung, pyü ne sou ciah khaw hni ah mäih ah, khaw a aa thai ung khu m’sai m’kim sak ne, pyü ciah khaw hni ah mäih ah kyak ci nei.”

2 SAMUEL 23:4 Referans Kwoze

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

SAM 72:6

Ghangpughang cu lai ah khan ah kho a aa mäih ah, ng’lei ah khan ah khüi a book ah mäih ah kya sä.

HOSEA 6:5

Cun ah kyasei kei naw m’khoicha nak la m’dishum nak ah ka ng’thu awn ka prophet gui cu nangmi ah ka tüi lawk ci. Nangmi ungka ng’yak hlü cu ng’mimüi nak la ni kyäp nak ah kyak ci.

SAM 89:36

Ani cu ngawi yä ng’shong bang khai; ani ah uknak kho cu hni ang shü ah chuih kei naw ka ngäng khai.

JOHAN 1:7

Chang gui naw akdei ami yum hmat tu vai ah, akdei ah mawng pyein khai lawk ci.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

MIKHAH 5:7

Pawih ba ciah Israel chang gui cu khui päng ah phäh ah Bawipa ah tüih law ah thai ba ciah khüi ah mäih ah a ghing gui ah khan ah kia lawk ciah khaw goh ah mäih ah kyak khai gui.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

ISAIAH 60:3

Chang pakhui gui cu nang ah akdei ung lut khai gui nei. Ghangpughong gui cu nang ah kho hnüüp thai, kho k’thai ung gawk lawk khai gui. Khai.

ISAIAH 60:1

Tho ä, Jerusalem, khohni ah mäih ah khang ä; Bawipa ah bämang nak cu na khan ah ng’shü ci nei!

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

THULÄÄN NAK 32:2

Kei ah m’theithang cu khaw aa ng’ma ah mäih ah hteeu khai. Khomdek khan ung khi ah mäih ah toi khai, Kei ah kang thu gui cu geit ayüt ah khan ah yu kyak ciah khaw goh ah mäih ah kyak khai. Hniphnoi ciah khumghaw ah khan ah yuk aa ciah ng’awigii ciah khaw aa ah mäih ah kyak khai.

ISAIAH 18:4

Bawipa naw nap yen nak ci, “Geit khäm khin ung awh ciah mü ung khüi a bawk ah mäih ah, kholing aiah khohnüüp ung, cine m’leng ciah khohni a sau ah mäih ah kei naw khankhaw ung ka naw adüm ah ka yuk teng lawk khai nei.