2 SAMUEL 23:3 - Cho Bible Common Language 2016

³ Israel Khanpughi naw ng’thu pyen ci; Israel gui shungvong ci naw ana pyen nak cu, “Taga khai ah uk ciah ghangpughang, Khanpughi ng’ngai neta uk ciah chang cu,

2 SAMUEL 23:3 Referans Kwoze

2 SAMUEL 22:32

Bawipa amät bäng Khanpughi nei; Khanpughi bäng cu mi ng’shung nak nei.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

PHYAWN NAK 18:21

Cun kawn ah bä ciah chang gui cu ghü gui ne, chang gui ah ng’vai ah na hmoh gui vai; phia gha uk, phia uk, hmakip uk, gha uk: ngami cu Khanpughi kyih aa u ne, ngaih gep vai ah chang, kä ei hlü mang phya ciah kyak khai gui.

HEBRU 1:8

Cun ung phi A Htapa ah mawng a pyein nak läi ung Khanpughi naw, “O Khanpughi, na uknak ah kho cu, ang täi sei khäng khai nei! Nang naw na chang gui cu ng’müi khai ah Na uk gui ci nei.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

SAM 72:2

Cun ah kyasei ani naw na chang gui cu ni nak awn uk gui ne, dukhaih ci gui cu düng ci gui cu düng nak awn m’htei gui khai.

SAM 42:9

Ka ng’zi nak Khanpughi ah thu ka pyen cu, “A i ah kyasei kei na na m’hnih ang? A i ah kyasei ka gaa gui ah shedam nak ung ka gein vai ang?”

ATÜNNAK 33:20

Ani naw a cun ung khawih kiang co neta, “El, Israel Khanpughi” ciah a ming sui ci.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

ISAIAH 32:1

Khohnüüp ät ung bekhe ne uk ciah ghangpughang la taga khai ah uk ciah pakhui chang vai gui dang lawk khai nei.

NG'THU K'THUUK~ 31:9

Ngami ah phäh ah ng’thu pyen ne, ng’düng khai ah ng’thumcha ne dukhaih ci la ng’ya hlük ciah chaw cu nami shungvong pek vai.”

SAM 110:2

Bawipa naw Zion mang gaw ungka naw na uknak huham cu shawng sak khai. “Na ga gui cu uk gui ä” cik khai.

NEHEMIAH 5:14

Kei cu Judah kho ung uktu ah ka kyak nak kum gha lei goi ah akyong avan ung, Artaxerxes uktubawi ah akum m’ku nak ung ka naw, akum thum kip lei goi nak khüt sei, kei la ka mätyah gui naw, uktubawi ah gah vai ah ei awk cu kä kami lak ci.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.

1 GHANGPUGHANG GUI 10:9

Bawipa na khanpughi cu m’tamkhah ä! Ani naw Israel ghangpughang ah ning pyang ne, nang awn a täng ah a om ah phäh ah a i hlawk ah a yeikyai cu m’dang ci nei. A i ah kyasei ci ung ani naw Israel am hni nak cu angtäi ah kyak ci, ani naw nang cu ami ghangpughang ah ning pyang ci, nang naw thukhän la taga nak cu na bi hning ci.”

JOB 34:17

Nang naw ng’düng ciah Khanpughi cu na m’kyuk khai ma? Ani naw taga nak thüi nak ciah na ngai ne ma?

SAM 72:1

O Khanpughi, na düng nak awn am khoicha thei vai ah ghangpughang cu m’theithang ä; Na mät ah düng nak cu m’shumphyuk ä,

2 SAMUEL 8:15

David naw Israel khaw avan uk ci, ak chang gui cu ng’cim htaih ne taga khai ah ng’htei ne bik ci.