2 SAMUEL 23:10 - Cho Bible Common Language 2016

¹⁰ cun ung phi ani cu khüi ne ng’düi ne, akhim kä chah ba hlawt khai ah a kutban a kha güt Philistin gui cu tu gui ci. Cu hnüüp ung Bawipa naw näng nak akdäm bik ci. Cun ang pyi kawn ah, Israel gui cu Eleazar ah om nak ah law ba u ne, sik ci gui ah awi k’bah gui cu lak ci gui.

2 SAMUEL 23:10 Referans Kwoze

1 SAMUEL 19:5

Ani naw a hnun gui pe ne Koliath cu ngawn ci, Bawipa naw Israel gui ah phäh ah dämduh ciah näng nak bik ci. Acun na hmuh ung, na yei khai nei. Tuhbäi a i ah kyasei chang ni ah khan ah a hma na bi hlü ang, a mawng kä om ciah David na ngawn hlü ang?”

1 SAMUEL 11:13

Cun ung phi Saul naw, “Tuhngawi hnüüp ung a u phi kä ngawn vai nei, tuhngawi cu Bawipa naw Israel gui a hun nak ah ka kyak ci nei.”

2 KORIN 4:5

Keimi naw ka mi mät ah mawng kami pyeinsak ah kä kyak ci; Jesuh Khrih cu Bawi ah a kyak ah mawng la keimi cu Bawi Jesuh ah hmawk ah nangmi ah changshäm ah kami kyak ah mawng kami pyein ci.

ROMAN 15:18

Chang khui hei gui naw Khanpughi ah ng’thu ami läk tu vai ah, Bawi Khrit naw ana bilawh sak ah mawng cu, kei naw m’gäi ne ka pyein khai nei. Cun ah Khanpughi ah ng’thu ami läk law tu cu, kei ah thu pyein la bilawh nak

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

SAM 144:10

Nang naw ghangpughang gui am näng nak pe ne, na changshäm David cu na gung ci.

SAM 108:13

Keimi cu Khanpughi awn kami näng khai nei; Ani naw kami ga gui cu hnim gui khai nei.

SAM 68:12

“Ghangpughang la a gakap gui cu dawng ci gui.” Im ah om shüt ciah hnumi gui naw ami khäm cu ng’pai ci gui.

2 GHANGPUGHANG GUI 5:1

Naaman cu Siria gabawi ah kyak ci, Siria ghangpughang naw a hlüng ah achang m’sui, am hni ah kyak ci, a i ah kyasei ci ung Bawipa naw Sirian gakap gui am ani ung näng nak a pek gui ah phäh ah kyak ci. Ani cu dämduh ciah gakap ah kyak ci, cun ung phi ani cu kyih vai kyak ciah kheilei ung gaw ci.

1 SAMUEL 14:23

Bethaven gawnu a hnu täng avan ung ng’tuk bäng ah kyak ci. Cun hnüüp ung Bawipa naw Israel gui hun gui ci.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

SUKI GUI 15:18

Cun kawn ah Samson cu ang’hei ah tui gha neta, ani naw Bawipa khü ne a pyen cu, “Nang naw shin ah dämduh ciah näng nak na na pek ci, kei tuhbäi tui ghane ka si lawk khai ne, Khanpughi kä yum ciah shin ah Philistin gui naw nap ha lawk khai gui nei?” cik ci.

SUKI GUI 15:14

Ani cu Lehi ung gawk law khäta, Philistin gui cu ani täng ah dawng law u ne, ani cu m’lau ci gui. Ang ghit ah Bawipa ah huham naw ani cu k’thamah nak pe sei, aban, a kut ung ami khih nak ah gui, gui cu mei ah uih ah pyai hta mäih ah kaih pit yawp ci.

JOSHUA 11:8

Bawipa naw ngami ah klhan ah näng nak Israel gui am pe gui ci; Israel gui naw tu gui u ne, a siiptäng Misre Photh Maim la Sidon, a kiangtäng Miyypah khaw nawi ung khüt ne gawt gui ci gui. Ng’tuk nak cu ga a u phi kä a ghin ba güt ah kyak ci.

JOSHUA 10:42

Joshua naw hnü ät ng’tuk lam awn ghangpughang gui avan la ami khawpäng gui cu khäm yawp ci, a i ah kyasei ci ung Bawipa Israel Khanpughi naw Israel gui ah phäh ah ng’tuk a näng ah kyak ci.

JOSHUA 10:10

Bawipa naw Amorit gui cu Israel gakap gui ah ma ah ang ghit ah kyikyawk sak gui ci. Israel gui naw Kibeon ung ngawn gui u ne, Beth Horon phlän ciah khomhtung ah khüt ne gawt gui u ne, ahtum täng Ayekah la Makkedah ung khüt ne k’pang ne tu gui ci gui.

2 SAMUEL 23:12

Cun ung phi Shammah cu khüi ne loma ah ng’düi ne, shung gui ne, Philistin gui cu ngawn gui ci. Cu hnüüp ung Bawipa naw näng nak akdäm bik ci.

1 SHONTÄP NAK 11:13

Ani naw Pas Dammim ng’tuk nak ung David täng ah om ne Philistin gui cu tu gui ci. Israel gui tün ne ami dawng yah ung ani cu htamgu khaw ung om ci.

1 SAMUEL 17:53

Israel gui naw Philistin gui ami gawt nak ung law ba u neta, ami phung gui phi gut gui ci gui.