2 SAMUEL 23:1 - Cho Bible Common Language 2016

¹ Jesse ah htapa David cu Khanpughi naw a dämduh sak ah chang ah kyak ci, ani cu Jakob ah Khanpughi naw ghangpughang ah a ghü ah kyak ci, ani cu Israel chang gui ah phäh ah ng’äi k’kiom gui pyang ciah kyak ci. Shin gui cu David ah ak hnu ah angthu gui:

2 SAMUEL 23:1 Referans Kwoze

SAM 89:20

Kei naw ka changshäm David cu ghangpughang ah hmoh ne, ng’cim ciah situi awn ka phyuh theh ci.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

LUKA 24:44

Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.

AMOS 6:5

Nang cu David ah mäih ah ng’äi pyan m’hni ne, tingtäng tum ne na ng’äi ci.

SAM 72:20

Shin cu Jesse ah hta David ah taigü ang pyi nak ah kyak ci.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

1 SHONTÄP NAK 16:9

Bawipa cu ng’äi ne m’hlüngtai vä; Ani naw cäicat vai abi gui cu chang gui am m’thein vä.

1 SHONTÄP NAK 16:7

Shin cu David naw ak htükbäih ah Asaph la Levit-paw gui am ng’äi m’cu ne Bawipa m’hlümtai vai ah a pek gui ah kyak ci.

1 SAMUEL 2:10

Bawipa ah gaa gui cu dishum khai gui; Ani naw khan ah ka naw hmun kyeek awn hnu ng’tuk püi gui khai. Bawipa naw khaw ng’lei avan m’khoi chak khai; ani naw a ghangpughang huham pek khai, ani naw a ghü ah ghangpughang cu näng m’khüt sak khai.”

JAMES 5:13

Nangmi ungka yaica nak ung gawk ciah chang cu, taigü sä, yeikyai ciah chang naw ng’äi m’cu sä.

LUKA 20:42

David ghangpughang amät naw Salan cacim ung; “Bawipa naw ka Bawipa-am, Na gaa gui cu na kho kaa ah ka gawk sak gui yawp khai.

THULÄÄN NAK 33:1

Shin gui cu Khanpughi ah chang Moses naw, kä a sih pha ung Israel chang gui ah khan ah ang ng’shäu ah hriham gui ah kyak ci.

ATÜNNAK 49:1

Jakob naw a hta gui cu khü gui neta, “Ka pei ah law vä, nangmi ah khan ah ngawi ah a i ah kya lawk khai cicu ka ning m’thein gui khai:

1 SAMUEL 17:12

David cu Jesse ah hta, Ephrathit pakhui, Bethlehem mang gaw, Judah khaw ung ka ah kyak ci. Jesse ung a htapa cheit om ci, Saul ghangpughang ah a kyak yah ung ani cu ang’htei ah ghi law pyi ci.

1 SAMUEL 18:7

Ami pawi nak ung hnumi gui naw, “Saul naw Phia gha ngawn ci, cun ung phi David naw phia gha ah a gha ngawn ci nei” cine ng’äi ci gui.

2 SAMUEL 22:34

Ani naw ka khaw cu kigang ah khaw ah mäih ah na yaang sak ne; m’htung gui ah khan ah, na k’phyawn ci.

2 SAMUEL 22:51

Khanpughi naw a ghangpughang am näng nak akdäm pek ci; Ani naw kä ng’pyi hlawt ciah m’hni nak cu a ghü ah chang tumat David la a hta ng’shon am ngawi yä m’hnuh ci nei,

SAM 89:21

Kei ah ka thagui cu angtäi sei ani ung om khai. Kei ah ka huham naw ani cu khüighat sak khai.