2 SAMUEL 22:7 - Cho Bible Common Language 2016

⁷ Ka khüikha nak ungka naw Bawipa ka khü ci; Ana m’htei vai ah ka Khanpughi ka khü ci. Apum im ung kei ah k’aw cu ng’yak ci nei; Ana m’htei vai ah ka kyah cu ani naw ngai ci nei.

2 SAMUEL 22:7 Referans Kwoze

SAM 18:6

Ka cümbawng yah ung Bawipa cu ka khü ci nei; na m’htei khai ah Khanpughi cu ka k’thäh ci nei. A pum im kyong ah om ne ka k’aw cu ng’yak ci; ka kyah cu ngai ne, na m’htei ci nei.

SAM 116:4

Cun kawn ah Bawipa ka khü cu, “Ka ng’hui ci nei, Bawipa, na hun ä!”

JONAH 2:7

Ka ghin nak ng’pyi ciah ka ngaih yah ung, O Bawipa, nang ah ka taigü ci, na Taigü im theing ungka naw na na ng’yak pek ci nei.

SAM 120:1

Kei naw ka geinvai yah ung Bawipa cu ka khü ci, ani naw na m’shang ci.

PHYAWN NAK 3:7

Cun kawn ah Bawipa naw, “Egypt khaw ah kaa chang gui a i hlawk ah ami shedam nak gui cu ka hmuk ci nei. Khleihtein shäm ci gui ah kut ungka gun gui vai ah ami kyah m’lau cu ka ng’yak ci nei, ngami ah geinvai avan ka hmuk ci nei.

HABAKKUK 2:20

Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.

SAM 34:6

Am gein kaa ci gui naw ani cu khü u sei, m’shang gui ci; Ami khüikha nak avan cu phyawn gui ci.

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

JONAH 2:4

Kei cu na ma ungka na na k’täm ciah ka ngai ci nei na Taigü im theing cu kä ka hmu tuba hlawt khai ah ka ngai ci nei.

LUKA 22:44

Bawipa Jesuh cu ang htei ah yaica ne aktung ah taigü ci; am hutui gui cu si ah mäih ah lut law ne m’dek ung kya lawk ci gui.

SAM 107:6

Ami gein vai nak ungka naw Bawipa cu khü u sei, ami yaica nak ungka ani naw hun gui ci.