2 SAMUEL 22:44 - Cho Bible Common Language 2016

⁴⁴ Kei na ng’tuk püi ciah chang gui ungka, na na k’phyawn ci. Chang pakhui gui ah khan ah ka uknak na gawk sak ci. Kei naw kä ka hmat gui ah chang gui phi, tuhbäi ka chang ah kya lawk ci gui.

2 SAMUEL 22:44 Referans Kwoze

ISAIAH 55:5

Tuhbäi nang naw a khohei pakhui gui cu na k’thäh khai ayan läi ngami naw kä ning hmat man ci gui, cun ung phi tuhbäi ngami cu dawng ne law ne, nangmi ung ng’dawn tuk khai gui! Kei, Bawipa nami Khanpughi, theingcim ciah Israel Khanpughi naw, shin gui avan kya lawk khai ah ka bik khai; kei naw m’tamkhah nak la bäimang nak ka ning pe gui khai.”

2 SAMUEL 3:1

Saul ah kyongchang gui naw ami ng’düih püi gui la David naw ang düih püi gui ah gakap gui cu akshou ng’tuk ci gui. David cu khüi ghat law pi pi sei, ang tuk püi gui cu ami tha ken law pi pi ci.

2 SAMUEL 19:14

David ah ng’thu naw Judah chang gui ami van akbe ah bekhüt sak gui ci, ngami naw, a bawi gui ami van nawn ami law ba vai ah ng’thu m’khäh ci gui.

2 SAMUEL 19:9

Khaw avan ung tün ne ami mät gui ng’vaw ng’shang ci gui. Ngami ami mät gui ng’htau u ne, “Ghangpughang David naw mi ga gui ungka na hun gui ci, Ani naw Philistin gui ah kut ungka na gung gui ci, cun ung phi tuhbäi Absalom kyih ne dawng ne mi khaw nawng shüt ci nei.

THULÄÄN NAK 28:13

Bawipa nami Khanpughi naw nangmi cu pakhui gui ung alu ah ning pyang gui khai, ang mei ah kä nami kyak khai. Ang täi sei nami bä mang khai, kä nami shum shäuh khai, kei naw tuhngawi ka ning pek gui ah ani ah ang thumkhän avan cu bekhüt ne nami läk ung cun ah nami kyak khai.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

ROMAN 15:12

Cun kawn ah Isaiah naw; “Jesse ah hta ng’shon tumat cu dang lawk khai nei: Ani cu khui hei chang gui uk gui khai ah lawk khai nei, Cun ah chang gui naw ani cu ak be ah ngaih u khai gui nei,” ci ne pyein ba ci.

ROMAN 9:25

Hosea ah ca guk ung Khanpughi naw; “Kei ah ka chang ah kä kyak ci gui cu ka chang ah ka khü gui khai; Kä ka m’hni ah changpakhui gui cu, Ka m’hni ah changpakhui ah ka khü gui khai;

HOSEA 2:23

Kei naw kho ung ka chang gui cu om sak gui ne ka bühmang sak gui khai. Kä m’hni ah ami khü gui am m’hni nak ka m’dang gui khai, “Nangmi cu ka ning chang gui nei,” cine ka pyen na gui khai. Ngami naw, “Nang cu kami Khanpughi nei” cine na m’shang khai gui.

DANIEL 7:14

Ani cu huham nak, m’tamkhah nak la bawimang nak huham ami pek ah kyak ci. Cun ah kyasei changpakhui gui, pahta gui, pa ng’tän gui avan naw a bi bik ci gui. Ani ah huham cu kä ng’pyi hlawt khai, ani ah uknak khaw cu kä maih hlawt khai.

ISAIAH 65:1

Bawipa naw pyen ci, “Kei cu ka chang gui ah taigü ka m’shang khai ah ka om ci nei, cu mung phi ngami kä taigü ci gu. Kei cu ngami naw ami na hmuh ge vai ah ka om cine, cun ung phi ngami naw kä tha nakci gui. Kei naw angtäi ah ka m’shang gui khai ah om pang ä sei phi, chang pakhui cu kei ah kä taigü lawk ci nei, “Kei shin ung ka om ci, kei naw ka ning m’htei gui khai nei”, ka cik ci.

ISAIAH 60:12

Cun ung phi, nangmi ah bi kä bik ciah chang pakhui gui cu, ng’pyi khai gui ah m’di gui khai nei.

SAM 110:6

Ani naw pakhui gui cu m’khoi m’cha gui khai, ng’tuk nak ah hmun cu gook awn be sak khai; m’dekhan avan ung ghangpughang gui cu hnim gui khai.

SAM 18:43

Na ng’küüt neet püi ciah chang gui ung na na hun ci; Pakhui päng ka uk khai ah na na pyang ci. Kä ka hmat man ah chang phi ka chang ah kya ci.

SAM 2:8

Na na ng’noih vai, changpakhui avan nang am ka ning pek khai; Khomdek avan cu nang ah ka vai nei.

2 SAMUEL 20:22

Ani cu ang bü nak awn mang gaw chang gui ah dawng ba sei, ngami naw Sheba ah lu chüng ne, pang ah khan ung Joab am ak ghawh lawk ci gui. Ani naw mang gaw hteh tak nak vai ah m’hnüt nak ah phyung puuk tum sei, ngami cu ng’hlat ne ami im ah hteit ba ci gui. Joab cu Jerusalem ung ghangpughang ah hteit ba ci.

2 SAMUEL 5:1

Cun kawn ah Israel pakhui ami van David ah om nak Hebron ah law neta ng’thu ami pyen cu, “Keimi cu namät ah si la sa ah kami kyak ci.

ISAIAH 55:4

Kei naw ani cu pakhui gui ah ang vaihta la gakapbawi ah ka pyang ci, kei naw cun gui awn ani ungka naw ka huham ka m’dang ci.