2 SAMUEL 22:43 - Cho Bible Common Language 2016

⁴³ Kei naw ka deng gui ci, ngami cu m’vut ah kyak ci gui; Lam ung om ciah ng’nai ah mäih ah kei naw ka kai na gui ci.

2 SAMUEL 22:43 Referans Kwoze

MIKHAH 7:10

Mi ga gui naw hmu neta kä yei khai gui. “Nami Bawipa Khanpughi cu a hawi ang?” cine na ng’shi gui ciah mi ga gui naw, a cun gui cu hmu u neta, lü ng’aa khai gui. Ngami cu lam ung ng’nai ah mäih ah kai na gui ne dep gui u sei mi hmu gui khai nei.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

2 GHANGPUGHANG GUI 13:7

Jehoahaz ung ng’se cum ci hmakip, yatha gha, khaw awn ng’tuk ciah gakap phia phia bäng om ba ci, cun kawn ungka gui cu Siria ghangpughang naw m’di gui ne m’vut ah khui ah a ci gui ah kyak ci.

ZEKHARIAH 10:5

Judah chang gui cu lam ng’nai hmu ah ami ga gui leh dep dep ciah gakap gui ah mäih ah m’gäi khai gui nei. Ngami cu Bawipa naw om püi gui ci kyasei, ng’tuk bik khai gui, ngami naw ng’se ng’cuum ciah ga gui phi hnim khai gui nei.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

ZEKHARIAH 2:6

Bawipa naw a hang gui am, “Kei naw khaw ng’nü ung ka ning püi sak gui ci, cun ung phi tuhbäi nang chang k’dawng gui, Babilonia ah ka gawt law ne, Jerusalem ah nami law ba ci.

DANIEL 2:35

Ang ghit ah m’sii ni, m’deknai ni, kyei ni, ngui ni, ghui ni gui cu, khui ne ng’pyäih ne, cha-khaw ah htang leh nak ung m’vut khui ah mäih ah kyak ci gui nei. Khokhi naw cun gui avan cu yon yawp sei, api phi kä pawih ba ci. Cun ung phi lung nu cu däm law ne, khomhtung nu ah kya law ne khomdek khan avan cu küm ci.

ISAIAH 26:15

Bawipa, nang naw kami pakhui cu na ng’ghaw sak ci nei, van ah khawpäng cu akit päng ung na ng’shawng sak ci nei, acun cu nang ning m’tam nak vai ah kyak ci nei.

SAM 35:5

Ngami cu khokhi ah zon ah ko ah mäih ah kya u sei, Bawipa ah khanchang naw k’täm gui sä.

SAM 18:42

Kei naw ka güt gui ci, ngami cu m’vut ah mäih ah kyak ci gui, kho khi naw zon gui ci. Lam ung om ciah ng’awt ah mäih ah kei naw ka ghawt gui ci.

THULÄÄN NAK 32:26

Kei naw htin khai ah kam di gui khai. Cun ung a u naw ngami kä shüm ba gui khai.

ISAIAH 41:2

“Akhei täng ah ka ng’näng ciah chang law püi ne, a hteh nak päng ah ng’näng ciah chang law püi ne, a hteh nak päng ah ng’näng sak ci cu, a u ang? Ghangpughang gui la chang pakhui gui ah khan ah anäng nak pek cicu a u ang? Ani ah khimsem naw ngami cu m’vut khui ah mäih ah tuhnim gui ci nei.

ISAIAH 41:25

“Kei naw ak kyang täng ung om ciah chang tumat cu ka ghü ci nei; A siip täng ung ning tu law gui khai ah ka law püi khai nei. Ani naw uktu gui cu, ng’nai ah mäih ah, k’am shep ci naw k’am dek a neen ah mäih ah kai na gui khai nei.

2 SAMUEL 7:9

Kei naw na hteh nak phung ah ka ning om püi ci, na ma ah na ga gui avan kei naw ka hnim ci, kei naw nang cu khomdek khan ung däm pi ciah ng’vai gui ah mäih ah ng’mingthang khai ah ka ning pyang khai.