2 SAMUEL 22:4 - Cho Bible Common Language 2016

⁴ Bawipa cu ka khü ci, Ani naw ka ga gui ah kut ung na hun ci nei. Bawipa ka m’taam ci nei!

2 SAMUEL 22:4 Referans Kwoze

SAM 18:3

Bawipa cu ka khü ci nei, Ani naw ka ga gui ah kut ung na hun ci nei. Bawipa kam hlüngtai ci nei.

THU PHLAAN 5:12

m’lau ne ng’äi ami m’cu cu; “Ami ngawn ah htomehta cu, Hlüngtai nak, bühmang nak, cüivai nak, khüighaat nak, Chang m’sui nak, bäkhäk nak, la m’kümtou nak, gui cu gah khai ah khin khaa ci nei” ciah kyak ci.

ROMAN 10:13

Cacim theing naw “Bawipa khü ne ng’yoi ciah chang phung cu hun nak gah khai,” cine pyein ci.

SAM 116:2

Kei naw ka khü päng ung ani naw na ngaih pek ci.

SAM 96:4

Bawipa cu dämduh ci kya sei, ak hlüng pi ah m’taam vä; Ani cu khanpughi gui avan ah khan ah m’taam khah vai kyak ci nei.

SAM 48:1

Bawipa cu küikyang ci kyasei, a khomhtung theing, mi Khanpughi mang gaw ung ak hlüng tai ah m’taam khah vai nei.

THU PHLAAN 4:11

“Kami Bawipa, Khanpughi, Nang naw ang tüi avan cu na tüisho ciah kyasei, Nang ah ng’yak hlü ah ang tüi cu ghing om ciah kya ci. Cun ah kyasei bühmang nak, küikyang nak, hlüngtai nak gui cu Nang awn khinkhaa ci nei” ci ne pyein ci gui.

SAM 116:17

Kei naw m’hlüngtai ne khawihnah nak ka ning pek khai nei, ka taigü ka ning pek khai nei.

SAM 116:13

A na hun nak ah hmawk ah yeikyai ne, Bawipa ah ma ah awk vai cu ka law püi khai.

SAM 116:4

Cun kawn ah Bawipa ka khü cu, “Ka ng’hui ci nei, Bawipa, na hun ä!”

SAM 106:2

Küikyang ciah abi gui avan cu a u naw pyen hning khai aw? A u naw bä khai ah m’taam hning khai aw?

SAM 66:2

A bämang nak ah aming ung ng’äi m’cu vä; bäkhäk ciah m’tam nak pe vä!

SAM 56:9

Kei naw ka ning khü hnüüp ung, ka gaa gui cu ng’hlat ba khai gui. Cun cu ka hmat ci; Khanpughi cu kei lam ah om ci —

SAM 55:16

Cun ung phi Bawipa, Khanpughi cu na m’htei khai ah ka khü khai, ani naw na hun khai.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

SAM 34:6

Am gein kaa ci gui naw ani cu khü u sei, m’shang gui ci; Ami khüikha nak avan cu phyawn gui ci.

NEHEMIAH 9:5

Shin ah Levit gui naw khawihnah vai ah ng’khü ci gui: Jeshua, Kadmiela, Bani, Hashabniah, Sherebiah, Hodiah, Shebaniah, la Pethahiah. Ngami naw: Ng’düi law ne, Bawipa nami Khanpughi cu m’hlümtai vä; Khonglän ung ani cu m’hlümtai vä! Hnicim chang naw m’hlümtai khin vai ah kä m’hlümtai hlawt ung phi, a bämang nak ah ming cu chang nü naw m’hlümtai sä.”

2 SHONTÄP NAK 20:22

Ng’äi ami m’cu law yah ung Bawipa naw tu law gui ciah gakap gui cu püipyang sak gui ci.