2 SAMUEL 22:3 - Cho Bible Common Language 2016

³ Ka Khanpughi cu ka ng’shung nak, Ani ung om ne, kei ka phyawng ci. Ani naw shawi ah mäih ah na shung vong ci; Ani naw na cham ne pang ne na hun ci, Ani cu ka hunbawi nei; Ani naw hung sai ung na shung vong ne, nak phyawn ci.

2 SAMUEL 22:3 Referans Kwoze

SAM 9:9

Bawipa cu dukdeiu nak gah ci gui ah ng’yii nak, gein vai yah ung ng’pha nak ah kyak ci.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

NG'THU K'THUUK~ 30:5

Khanpughi naw abi ah shaitak phung cu k’pang khek ci, Ani ah shungvong nak shui ciah chang avan ah phäh ah ani cu shawi ah kyak ci.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

HEBRU 2:13

Cun kawn ah Bawipa naw, “Kei cu Khanpughi ung kang ap khai nei,” cik ci, cun kawn ah, “shin ung Khanpughi ah na peit ah hta gui awn a täng ah kami om ci nei,” cine pyein ba mä ci.

LUKA 1:69

Ak changshäm David ah hta ng’shon ung, hlüngtai ciah Hunbawi cu dang sak pyi ci nei.

SAM 144:2

Ani cu ka ngäng nak la ka ng’shung nak, ka ng’yii nak la ka hunbawi ah kyak ci, ani ung yumhtek ne ka phyawng ci. Ani naw changpakhui avan cu ka kaa ah tha ci.

SAM 59:16

Cun ung phi kei naw na thagui ah mawng ng’äi kam’cu khai; A ngawi tä sei nam hni nak ah mawng m’lau ne ka ng’äi khai. Nang cu ka ning shung nak, khüikha yah ung ka ning yii nak ah na kyak ci.

SAM 14:6

A she bik ci gui naw m’lung ng’neim ci gui ah m’lung ngaih cu m’shet ci gui, Cun ung phi ngami cu Bawipa naw m’htei gui ci.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

ISAIAH 32:2

Ngami tumat ci cu, khokhi ung ng’shung nak, puikhokhi ung ng’thuh nak ah hmun ah kyak khai gui nei. Ngami cu khong gau kho ung long tui ah mäih, ng’kiangma kho ung om ciah lung k’pou nu ah ang hnim ah mäih ah kyak khai gui nei.

SAM 140:4

Bawipa, changshe gui ah huham ung na shungvong ä; Kei ka kyuk ng’täät vai ah bik ciah chang omshe gui ungka k’pang ne na gung ä.

SAM 55:9

O Bawipa, ka gaa gui ah thu cu ng’gogan sak gui ä! Zawshe nak la guh tep nak cu mang gaw ung ka hmu pyi ci nei.

SAM 46:7

M’gäi ciah Bawipa cu mikmi awn atäng ah om ci; Jakob ah Khanpughi cu mi ng’zi nak ah kyak ci.

LUKA 1:71

Ani naw ga ah kut kyong ungka la, na thüi na gui ciah kut kyong ungka na hun gui pyi ci nei.

SAM 140:11

Chang akshe ah yawshe nak ci cu, kä näng en sä; m’ghäi m’ce ci gui cu leigai naw näng ne m’di gui sä.

SAM 140:1

Bawipa, changshe gui ah kut ungka na hun ä; kiawi m’sai ciah chang gui ungka k’pang ne na gung ä.

SAM 86:14

O Khanpughi, chang ah ng’shei ci gui naw law ne na hnu ng’tuk püi ci gui nei; m’gäi m’cik chang bum naw na ngawn khai gui ah tha nak ci gui nei. Cun ah chang gui cu nang a i ah kä ning ngai ci gui ah kyak ci nei.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

SAM 84:9

O Khanpughi, na ghü ah ghangpughang, kami ghangpughang cu hriham pe ä.

SAM 72:14

Ani naw yawshe nak la shedam nak ung gung gui sei, ngami ah ghin nak cu ani ung ni kyom ci.

SAM 71:7

Kei ah ka ghin nak cu chang aka ah ng’thei nak vai ah kyak ci. A i ah kyasei ci ung nang cu khäng ciah ka shung nak ah kyak ci.

SAM 61:3

Nang cu ka ng’yii nak ah na kyak ci, ka gaa gui awn ng’tuk nak ung ka ng’shung nak ah na kyak ci.

SAM 46:1

Khanpughi cu mi ng’zi nak la mi thagui ah kyak ci. Mi geinvai law ung na m’htei gui ge khai ah om ci.

SAM 28:7

Bawipa naw na shung ne na vong ci; Ani cu ka ngaih u ci. Ani naw kei cu nam htei ne, na yei sak ci; yeikyai nak ng’äi awn kei naw ka m’taam ci nei.

SAM 27:5

Geinvai yah ung ani naw a im ung na ng’yii sak ne; pum im kyong ah phyawn vai ah na thup ci, hlüng ciah lung tung khan ah na taih ne na phyawn ci.

SAM 5:12

Bawipa, ning ngai cicu hrilham na pek ci. Ngami cu na m’hni nak naw shawi ah mäih ah shung vong gui ci.

SAM 3:3

Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

2 SAMUEL 22:51

Khanpughi naw a ghangpughang am näng nak akdäm pek ci; Ani naw kä ng’pyi hlawt ciah m’hni nak cu a ghü ah chang tumat David la a hta ng’shon am ngawi yä m’hnuh ci nei,

2 SAMUEL 22:49

Ani naw ka ga gui ung na hun ci. O Bawipa, nang naw ka ga gui ah khan ah näng nak na na pek ci, Sohai ciah chang gui ung na na shungvong ci.

1 SAMUEL 2:1

Hannah taigü ci; “Bawipa naw ka m’lung cu yei nak awn be sak ci; Ani ah bi ah phäh ah ka yeikyai aih ci nei! Ka gaa gui cu ka gaih tu gui ci; Ka yei aih ci nei, Khanpughi naw na m’htei sei!

THULÄÄN NAK 32:37

Cun kawn ah Bawipa naw a chang gui ng’shi gui khai, Nami yum htek ah m’gäi ciah khanpughi gui cu a hawi ang?

TITUS 3:6

Khanpughi naw mi Hunbawi Jesuh Khrit awn, Mumcha Theing cu mikmi ah khan ah be ne pleip khai ah na yuk m’kyum gui ci nei.

TITUS 3:4

Cun ung phi mi Hunbawi Khanpughi ah chihna nak la m’gein nak cu a dang law ah a kyak ung,

LUKA 1:47

Khanpughi Hunbawi hmawk ah ka mümcha yeikyai ci,

JEREMIAH 16:9

Kei m’aäi ciah Bawipa, Israel Khanpughi naw ka pyen cu nami ngaih vai. Ami zeikiai, lün lawi nak ah k’aw gui la hta m’um pawi ung ami yeikyai nak ah k’paw gui cu ka dim sak khai. Cun ah a kyak gui cu shin ung om ciah chang gui naw hmuk khai gui.

ISAIAH 45:21

Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.

SAM 32:7

Nang cu ka ng’thuh nak ah na kyak ci; Nang naw khüikhai nak ung na na hun khai; Na hun nak ah mawng m’lau ne ng’äi ka m’cu khai, cun cu na na shungvong ah hmawk ah kyak ci.

SAM 142:4

Ka pei yum ah ka teng ung, kei na m’htei khai kä ka hmuk ci, na shungvong ci a u kä om ci.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.

2 SAMUEL 22:31

Khanpughi ah bi lawh cu kümbe aih ci, ang thu cu khäng htek aih ci nei! Ani ah shungvong nak shui ci van ah phäh ah Ani cu shawi ah mäih ah kyak ci nei.

2 SAMUEL 22:47

Bawipa ghing ci! Na shungvong cicu m’tam nei! Na hun ciah m’gäi ciah Khanpughi ah dämduh nak cu shäu nei.

2 SAMUEL 23:3

Israel Khanpughi naw ng’thu pyen ci; Israel gui shungvong ci naw ana pyen nak cu, “Taga khai ah uk ciah ghangpughang, Khanpughi ng’ngai neta uk ciah chang cu,

PHYAWN NAK 15:2

Bawipa cu khäng ciah ka ng’yii nak, ani cu kei na hun ciah kyak ci; Ani cu ka Khanpughi, kei naw ka m’taam khai, Kapa ah Khanpughi, kei naw ani ah dämduh ah mawng ng’äi ka m’cu khai.

SAM 9:10

Bawipa, ning hmat ci gui cu, ng’ap lawk khai gui nei; Nang ah lawk ci a u phi nang naw kä na ma nak ci nei.

SAM 46:2

Cun ah kyasei, shihpi thüng ne, khomhtung gui pyawn ne tuinu ah ang dawn ung phi, mikmi ung kyih nak kä om khai nei;