2 SAMUEL 22:2 - Cho Bible Common Language 2016

² Bawipa cu kei ah ka ng’shung nak; Ani cu khüighat ciah ka mangpang.

2 SAMUEL 22:2 Referans Kwoze

SAM 71:3

Ka yii nak ah kya ne, m’gäi nak awn na shung vong ä, Nang cu ka yii nak la ka ng’shung nak ah na kyak ci.

SAM 31:3

Nang cu ka ng’yii nak la ka ng’shung nak ah na kyak ci; na shaitak ah mäih ah kei cu na chuiso ne, nam shüm ä.

SAM 144:2

Ani cu ka ngäng nak la ka ng’shung nak, ka ng’yii nak la ka hunbawi ah kyak ci, ani ung yumhtek ne ka phyawng ci. Ani naw changpakhui avan cu ka kaa ah tha ci.

SAM 91:2

Ng’thu a pyen vai cu, “Nang cu ka ng’yii nak la na shung vong ciah na kyak ci. Nang cu ka Khanpughi; nang ung kei ka ng’ap ci,” ciah kyak ci.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

SAM 42:9

Ka ng’zi nak Khanpughi ah thu ka pyen cu, “A i ah kyasei kei na na m’hnih ang? A i ah kyasei ka gaa gui ah shedam nak ung ka gein vai ang?”

1 SAMUEL 23:25

Saul la a chang gui naw David shui vai ah hteit ci gui, cun ung phi ani naw cun ah mawng ng’ya neta, Maon bung, lungsong m’htung ah hteit ne om ci. Saul naw a cun ng’ya neta, David ah a hnu ah k’täm ci.

1 SAMUEL 24:2

Saul naw Israel ung akni pi gakap phia thum ghü neta, David cu sathai ah om nak ah lungsong ah ak kyang lam yung ah shui ci.

2 SAMUEL 22:32

Bawipa amät bäng Khanpughi nei; Khanpughi bäng cu mi ng’shung nak nei.

2 SAMUEL 22:33

Shin ah Khanpughi cu khüighat ciah ka ng’yii nak, Ani naw ka lam düng khai ah bik ci.

2 SAMUEL 23:3

Israel Khanpughi naw ng’thu pyen ci; Israel gui shungvong ci naw ana pyen nak cu, “Taga khai ah uk ciah ghangpughang, Khanpughi ng’ngai neta uk ciah chang cu,

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.