2 SAMUEL 21:6 - Cho Bible Common Language 2016

⁶ Cun ah kyasei ani ah hta ng’shon pami chih na ap gui ä, Bawipa ah ghü ah ghangpughang, Saul ah gawnu, Gibeon ung Bawipa ah ma ah kami m’awh gui khai nei” cik ci gui. Ghangpughang naw, “Ka ning ap gui khai nei” cik ci.

2 SAMUEL 21:6 Referans Kwoze

1 SAMUEL 10:24

Samuel naw chang gui am “Shin ah chang cu Bawipa naw a ghü nei! Ani ah mäih mikmi ung a u kä om ci nei” cik ci. Chang avan naw m’lau ne, “Ghangpughang ghi ne ghing sä” cik ci gui.

1 SAMUEL 11:4

Ami chang tüih gui cu Saul ah om nak Gibeah ah gawk law u ne, a mawng cu m’thein gui u khäta chang gui cu om k’she ne kya ci gui.

1 SAMUEL 10:26

Saul cun phih Gibeah a im ah hteit ba ci. Huham ah ciah chang amshah gui cu Khanpughi naw ami m’lung tawn pe gui sei, ani awn atänga hteit tuk ci gui.

LAMKTU 13:21

Cun kawn ah ami ghangpughang vai ng’yoi u khä tah, Khanpughi naw Benjamin pakhui, Kisha ah htapa Soul cu khokum phli-kip ung ghangpughang ah kyak khai ah m’düih pe gui sei ani, maw kho kum phli-kip ung uk ci.

MATTHE 27:5

Cun kawn ah Judas cu Pum im kyong ah tangka thumkip cu ghawt shüt netah hteit ba ci. Cun kawn ah a hei lam ah hteit netah gui awn ng’awk ne sik ci.

EZRA 6:11

Kei naw ka thumkhän ba mä cu, chang tumat mat naw shin ah thukhyän kä a läk ah a kyak ung ani ah im ungka ng’lawng tumat mat ng’yuuk ne, amawng vangtäng m’shum neta, ani ah pum cu thawng täih vai nei. Ani ah im cu ng’awt ng’bum ah kyak khai nei.

2 SAMUEL 18:10

David ah chang tumat naw hmu neta, Joab am m’thein ci “Bawi aw, Absalom cu oak sing ghing ung ng’bat sei ka hmuk ci nei!” cik ci.

2 SAMUEL 17:23

Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

1 SAMUEL 10:1

Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

JOSHUA 10:26

Cun kawn ah Joshua naw ghangpughang gui cu ngawn gui ne, sing ghing hma ung tai gui sei, ami pumsa cu mühun güt acun ung om ci.

JOSHUA 8:29

Ani naw Ai ghangpughang cu sing ung tai neta, apumsa cu mühun güt ung nawng ci. Khohni a hang kyak yah ung Joshua naw thukbäi ne, cun ah pumsa cu k’plon sak gui ci. Cun cu mang gaw m’kawt luh nak pei ung yuk ghawt ci gui. Ngami naw cun cu lung am kawm nu gui awn pum shi ci gui, cun cu tuhngawi güt om ci.

THULÄÄN NAK 21:22

“Chang tumat cu a cheishoh ah phäh ah sih nak pe ne a pumsa cu k’tung ung bah ah a kyak ung,

ATÜNNAK 40:22

ei tei bawi cu tai ne ngawn ci. Joseph ah a pyen ah mäih ah kyak ci.

ATÜNNAK 40:19

A hnüüp thum hnüüp ung ghangpughang naw ning chah ba khai, na lu ning m’chün khai. Cun kawn ah tung ung na pum ning tai u khäta, kha gui naw na sa cu ei khai gui nei” cine pyen nak ci.

1 SAMUEL 24:21

Cun ung phi ka hta ng’shon gui na k’phiawn gui vai ah mawng, Bawipa ah ming awn, kei ung shai na tak vai, cun ung kei ah ming la kei ah kyong chang ah ming cu a u naw kä m’hnih hlawt khai,” cik ci.

2 SAMUEL 19:28

Kapa ah kyongchang avan cu nang ka bawi mang naw sih nak na pek gui vai kyak ci. Cun ung phi nang naw na tawnglang ung ei tu vai ah na na pek ci. Nang bawi mang ung kei naw ka thäh ba vai cu a i phi kä om ci nei.”

1 SAMUEL 24:22

A pyen ah mäih ah David naw shaitak ci. Cun kawn ah Saul cu a im ah hteit ba ci, David la a chang gui cu ami ng’thuh nak ah hteit ba ci gui.

1 SHONTÄP NAK 12:3

Ngami cu Kibeah ah ka Shemaah ah hta Ahiezer la Joash ah thumkhän ah ka ung om ci gui. Shin gui cu gakap gui ah kyak ci: Jeziel la Pelet, Azmaveth ah hta goi Berakah la Jehu, Anathoth ah ka Ishmaiah, Kibeon ah ka, ani cu mingthang ciah gakap, “Thumkip” ungka angvai thumat ah kyak ci Jeremiah, Kibeon ah ka, ani cu mingthang ciah gakap, Joyabad, Kederah ah ka Eluzai, Jerimoth, Bealiah, Shemariah, la Shephatiah, Hariph ah ka Elkanah, Isshiah, Azarela, Joezera, la Jashobeam, Korah pahta ungka Joelah la Zebadiah, Kedor ka Jeroham ah hta gui.