2 SAMUEL 21:3 - Cho Bible Common Language 2016

³ Cun ah kyasei David naw Gibeon chang gui cu khü thäh gui neta, a pyen nak gui cu, “Nang mi ah phäh ah a i ang ka bi hning kaw? Kei naw nangmi ah khan ah katnak ka bi cu ka pyang hlük ci, cun ung nang mi cu Bawipa ah chang ah hriham na mi gah khai” cik ci.

2 SAMUEL 21:3 Referans Kwoze

2 SAMUEL 20:19

Kami mang gaw cu akdämduh ah kyak ci, Israel khaw ung ak ding gei pi la abekhüt pi k’bäih ah kyak ci. A i ah kyasei cu m’di vai ah na tha nak ang? Bawipa ah a ka cu adi vai na ng’ya hlük ci ma?” cik ci.

HEBRU 9:22

Akcang ah thukhän ah pyein ah, a päng avan cu si awn vah theingcim ci. Si huk nak awn cheishoh nak cu phyawng hlawt ci.

1 SAMUEL 26:19

Ka bawimang, ka pyen law vai ah thu cu ngai ä. Kei na na hnu ng’tuk püi vai ah Bawipa naw ning tüi ciah a kyak ung, ani am dou thak naw am lung thawng sak khai; chang ah bi ah a kyak läi ung ami khan ah Bawipa ah plah taam nak om sä. Ngami naw kei cu Bawipa ah khaw lei ung ka, a hei khanpughi gui khawihnah nak vai ah akhaw hei ah na k’täm ci gui nei.

1 SAMUEL 2:25

Chang tumat naw a hei chang tumat hnu ng’tuk püi ne katnak abi ah a kyak ung, Khanpughi naw shungshet hning ci nei; cun ung phi Bawipa hnung’tuk püi ne katnak bik cicu a u naw shung shet hning khai aw? Ngami naw ami pa ah pyen cu kä ngai ci gui, Bawipa naw ngami ngawn gui vai ah k’bäi pyi ci.

TAIGÜTHUM 1:4

Acun ah lu ah khan ah chang naw a kut a taih vai, Cun ung ani ah katnak hteh püi pyi ciah kyasei cun ah khawihnah nak cu dou pek khai.

PHYAWN NAK 32:30

A ngawi ung Moses naw chang gui am, “Nangmi naw a kyih she ah shetkat nak nami bik ci, cun ung phi kei naw m’htung ah hang kai ba ne, nami katnak m’geinsei nak gah vai ah Bawipa ah ma ah ka bi ei hning hman khai nei” cik ci.

JONAH 1:11

Khokhi cu khi law pi k’täi ci. Cun ah kyasei htinpaw bik’bi gui naw, “Khokhi tui hnawk ang düm vai ah nang ah khan ah a i ang kami bi kaw?” cine ng’shik ci gui.