2 SAMUEL 21:16 - Cho Bible Common Language 2016

¹⁶ Chang dämcham Ishbibenob cu pit thum lawk ciah kyei k’htei kawt ne, khim sem akthai k’bah ne, David ngawn khai ah ngai ci.

2 SAMUEL 21:16 Referans Kwoze

2 SAMUEL 21:20

Cun kawn ung Gath ung a hei ng’tuk nak om ba ci, a cun ung ng’tawh vai m’hni ciah chang dämcham tumat om ci. Ani cu akut päng ung kutpyün chuk ci lawk ci, a khawpäng ung khaw pyün chuk ci lawk ci.

2 SAMUEL 21:18

Cun kawn ah Gob ung Philistin gui awn ng’tuk nak om ba mä ci. Cun yah ung Hushan ungka Sibbecai naw Philistin chang dämcham Saph cu ngawn ci.

2 SAMUEL 21:22

Shin ah phli gui cu Gath chang dämcham ah hta ng’shon gui ah kyak ci, ngami cu David la ak chang gui naw ngawn gui ci gui.

2 SAMUEL 5:18

Philistin gui cu Rephaim khaw nawi ung gawk law u neta, a cun cu khäm ci gui.

THULÄÄN NAK 9:2

Cun ung chang gui cu ng’ghaw sau u ne gai ci gui, ngami cu chang dämghaw ah kyak ci gui. Ngami a u naw ng’düi ne kä hnungtuk püi gui hlawt ci, ci cun phi, nami ng’ya tu man ci.

THULÄÄN NAK 3:11

(Ghangpughang Og cu Rephain ung ak hnu bäih ah kyak ci. Ani ah ih phak nak cu lung awn ami pyan, ayun dawng 9, akdang dawng 4, akcang ah ami nüt nak ung lawk ci. Cun cu Ammonit mang gaw Rabbah ung tuh güt om ci.)

THULÄÄN NAK 2:21

Ngami cun phi Anakim gui hlawk ah dämsau ci gui. Ngami cu da ci gui, chün ciah pakhui ah kyak ci gui. Cun ung phi Bawipa naw m’di gui ci, Cun ah kyasei Ammonit gui naw ami khaw lak pe gui u ne om nak ci gui.

THULÄÄN NAK 2:10

(Hlüngtai ciah pakhui Emim ming nak ciah chang ghawdäm gui cu Ara mang gaw ung om man ci gui. Ngami cu Anakim gui hlawk ah dämsau ci gui, cun gui phi chang ghawdäm pakhui ah kyak ci gui.

THULÄÄN NAK 1:28

A i ah kyasei cau ah mi hteh vai ang? Keimi kami kyik ci. Mi tüih ah chang gui naw ami na m’thein law ba gui cu aca ah om ciah chang gui cu mikmi ah ta ng’gho sau pi u ne, gai pi ci gui, ngami cu khawmik han pha sei vong pang ah mang gaw gui ung om ci gui. Ngami cu chang ah pughi gui ah kyak ci gui.

ATÜNNAK 14:5

A kum gha lei phli nak ung Chedorlaomer cu amät lam ah a chang gui la gakap gui awn law u ne, Ashteroth Karnaim ah kaa Rephaim gui, Ham ah kaa Zuzim gui, Kariathaim hmun ah kaa gui, Emim, la

ATÜNNAK 6:4

Cun sangung khomdek khan ah chang angghaw angsau gui om man ci gui. Cun gui cu chang hnumi gui la khanchang gui ah hta gui ah kyak ci. Ngami cu gaigawng mingthang ne om man ci gui.

KHEI NAK 13:22

Ngami cu ak htük bäih ah khaw ah a htumtäng ung hteit u ne, Hebron ung hteit ci gui. Cun ung Ahiman, Shemshai, la Talmai pahta gui, chang dämcham gui Anakim pakhui ah ami ng’shon gui om ci gui. (Hebron gawnu cu Egypt khaw Zoan gawnu kä ami cawh pha kum chih ung ami cawh pyi ah kyak ci.)

KHEI NAK 13:28

Cun ung phi acun ung om ciah chang gui cu huham mah ci gui, ami mang gaw gui cu dämduh ci gui, ak khäng htek ah ng’vongpang ci gui. Dämcham ciah chang ah htangshon gui phi om ci gui.

JOSHUA 15:14

Kaleb naw Anah ah htangshon gui cu mang gaw ah k’pung ah k’täm gui ci, cun gui cu Sheshai, Ahiman, la Talmai pahta gui ah kyak ci.

THULÄÄN NAK 2:11

Anakim gui ah mäih ah ngami phi Rephaim ah mingthang ci gui. Cun ung phi Moabit gui naw Emim ah khü gui ci gui.

JOSHUA 11:22

Israel khaw ung Anakim chang a u phi kä om ba ci; cun ung phi Kaya, Kath la Ashdod ung api om ci gui.

1 SAMUEL 17:7

Ani ah hteipawng cu tah im ng’lawng teih law ne khüih ci, acun ung m’si htei cu pit chih vai lawk ci, gakap tumat naw ama ah hteit ne a shawiphaw cu kawh pek ci.