2 SAMUEL 21:12 - Cho Bible Common Language 2016

¹² Gilead ah Jebesh chang gui ah, Saul la a hta Jonathan ah guh cu hteit ne lak ci. (Beth Shan pigaw lung ungka ngami naw ami m’guk ah kyak ci, cun cu Gilboa M’htung ah Saul ngawn u ne, a cu hnüüp, a pum cu Philistin gui naw ami m’awh ah kyak ci.)

2 SAMUEL 21:12 Referans Kwoze

JOSHUA 17:11

Issakha la Asher ah khopäng kyong ungka Manasseh ah kaa gui cu Beth Shan la Ibleam ah kia ne, ami pei yung ah gawnu gui mah ah kyak ci. Acun ah mäih ah Dora (Tuikem ung tumat ah kyak ci), Endor, Taanach, Mekiddo, la ami pei yung ah gawnu gui mah ah kyak ci.

1 SHONTÄP NAK 10:1

Philistin gui naw Israel gui cu Kilboa M’htung ung tu gui ci gui. Cun ung Israel chang akda ngawn gui ci gui, Ghangpughang Saul la a hta gui ni, k’pawih ba ci gui ni cu dawng ci gui.

2 SAMUEL 1:21

Kilboa khaw m’htung gui ah khaw kä aa en sä, khlüitui kä baw en sä; ami lou ung angtäi ah khaw käu sä! A i ah kyasei ci ung chang m’gäi ah shawi gui cu acun ung thüi ne yung kyak ci; Saul ah shawi phih situi awn kä hluk ba nei.

2 SAMUEL 1:6

Ani naw, “Kei cu Kilboa M’htung khan ah ka hang gawk düt ci. Saul cu ak htei ung ng’düh sei ka hmuk ci. Yatha ng’cum ci la ng’se ung cun ci gui naw khaai ci gui.

1 SAMUEL 31:1

Kilboa M’htung ah Israel gui cu Philistin gui naw tu gui ci gui. Israel chang gui akda cu ami ngawn gui, k’pawih ba ci gui la ghangpughang Saul la a hta gui cu dawng ci gui.

1 SAMUEL 28:4

Philistin gakap gui cu Shunem gawnu pei ah phung tu ne ng’bum ci gui; Saul naw Israel chang gui cu Kilboa m’htung ah phung tu ne bum püi gui ci.

1 SHONTÄP NAK 10:8

Ami ng’tuk ah a cituh hnüüp, Philistin gui naw sik ci gui ah khawh gui lak khai gui ah law u neta, Kilboa M’htung ah Saul la a hta gui ah gook cu hmuk ci gui.

1 SAMUEL 31:3

Ami ng’tuk nak cu Saul ah pei yung ah chün la ci, amät phi ga gui ah m’la chuh seih aknui ah leim bai ci.

1 SAMUEL 31:4

Ani naw ali htei kawt ciah changnong am, “Na khim phawng ne, kei na ngawn ä, cun ung shin ah Khanpughi kä yum ciah Philistin gui naw yei ne kä na ngawn khai gui” cik ci. Cun ung phi cun ah chang nong cun bi vai ah ang htei ah kyik ci. Cun ah kyasei Saul naw amät ah khim phawng ne, amät ng’tawk ci.

2 SAMUEL 21:11

Rizpah ah bi cu David naw ng’ya neta,

2 SAMUEL 21:13

David naw Saul la Jonathan ah guh gui cu lak ci, ami m’awh gui ah chang chih ah guh gui cun phi lak ci.

2 SAMUEL 2:4

Cun kawn ah Judah chang gui cu Hebron ah law u ne David cu Judah ghangpughang ah hmoh ci gui. David naw Kilead ung Jebesh chang gui naw Saul ami htüm cu ng’ya neta,

1 SHONTÄP NAK 10:12

am gäi pikbäih ah chang gui hteit u ne Saul la a hta gui ah pumsa gui cu la ne Jebesh ah hteh püi ci gui. Cun gui cu oak shing ghing ah ka ah k’phuh u neta hnüüp chih ung ei hlawi ci gui.