2 SAMUEL 21:10 - Cho Bible Common Language 2016

¹⁰ Cun kawn ah Saul ah chubawk, Aiah ah hta hnumi Rizpah cu thüi ung sui ah sui la neta, gook gui ah om nak lung song khan ah amät ah phäh ah phung tu neta, htang tün ne bi law ung tün ne, vakiak khaw a aa law ung khüt sei a cun ung om ci. Hnüüp yah ung ani naw kha gui cu gook ung kä ng’et khai ah ghung ne, mü ah khisa kä lawk khai ghung khawng ci.

2 SAMUEL 21:10 Referans Kwoze

THULÄÄN NAK 21:23

Cun cu mü lüng ne a cu ah kä nawng vai. A cu hnüüp ung m’cim vai. Aksi ah pumsa k’tung ung bah naw khomdek khan ah Khanpughi ah plah taam nak law püi ci. Aksi ah pumsa cu m’cim vai, cun ung Bawipa nami Khanpughi ah ning pek gui ah khaw cu nangmi naw kä nami lelawi sak khai.

ZEKHARIAH 10:1

Khawhtui khaw ah khaw aa khai ah Bawipa ah ng’yoi vä. Bawipa naw khaw k’aa ng’mei gui awn khaw aa sak sei, chang van ah hmawk ah lolai gui m’kim ne nik ci.

JOEL 2:23

Zion chang gui, yeikyai vä, Bawipa, nami Khanpughi naw nangmi ah phäh ah abi ah hmawk ah yei vä. Ani naw bä ciah khawtui akni ning pe gui ci; ani naw hting kho aa phi yuk chah lawk ci, kä cun pha ung htui khaw aa phi aa sak ci.

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

2 SAMUEL 3:7

A hnüüp ät ung Saul ah hta Ishbosheth naw, Saul ah chu hmaw, Aiah ah hta Rezpah awn nani ip ci, cine Abner cu ng’gu k’bün ci.

JOEL 1:18

Sei gui cu geinvai ne m’lau ci gui a i ah kyasei ci ung ami ei vai khu kä om ci; hto ng’bum gui phi yaica ci gui.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

EZEKIEL 39:4

Kok la a gakap gui, la ang khawt püi gui cu Israel khomhtung khan ah kyi ne sik khai gui, ngami ah pumsa gui cu kha gui avan la khisa gui ah ami ei vai ah kyak khai.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

THULÄÄN NAK 21:13

a suisak ng’thong khai. Ani cu nang ah im ung om khai. Cha ät ung a nupa ah khaih ne thüi khai, cun kawn ah nang naw na chu na hning ci.

THULÄÄN NAK 11:14

Cun ah na bi ah a kyak ung ani naw na khaw ung khotui a hlü yah ung khaw yuk aa law sak khai, hting khaw htui khaw ung phi, cun ah kyasei nangmi ah hmawk ah htang, sapyit la oliv situi cu da khai.

1 SAMUEL 17:44

Ani naw David cu gheet taap ne, “Law ä, kei naw na pumsa cu kha gui la khisa gui am ka vuh khai nei.”

ATÜNNAK 40:19

A hnüüp thum hnüüp ung ghangpughang naw ning chah ba khai, na lu ning m’chün khai. Cun kawn ah tung ung na pum ning tai u khäta, kha gui naw na sa cu ei khai gui nei” cine pyen nak ci.

1 SAMUEL 17:46

Shin ah hnüüp ung Bawipa naw nang cu kei ah ka huham kyong ung ning tha ci nei; kei naw nang cu ning hnim ne, na lu ka ning täng khai nei. Kei naw Philistin gakap gui ah pumsa gui cu kha gui la khisa gui am ka vuh khai nei. Cun kawn ah khaw ah khan ung chang van naw Israel gui ah Khanpughi om ci, cicu hmat khai gui,

2 SAMUEL 21:11

Rizpah ah bi cu David naw ng’ya neta,

THULÄÄN NAK 21:22

“Chang tumat cu a cheishoh ah phäh ah sih nak pe ne a pumsa cu k’tung ung bah ah a kyak ung,