2 SAMUEL 21:1 - Cho Bible Common Language 2016

¹ David naw a uk yah ung khaw kum thum ung ei khaw yaw ci. Cun ah kyasei David naw a cun ah mawng cu Bawipa am m’thein ci, Bawipa naw, “Saul la akyong chang gui naw chang ngawn ci gui; Ani naw Gibeon chang gui cu sih nak ung tüi gui ci.”

2 SAMUEL 21:1 Referans Kwoze

ATÜNNAK 26:1

Abraham ah om yah ung khaw a shet ah mäih ah khaw she ba khäta, Isaak cu Kerara gawnu Philistin ghangpughang Abimelek ah om nak ah hteit ci.

ATÜNNAK 12:10

Cun sang ung Kanaan khaw ah khaw yaw tuishek ci. Sheka law aih khäta Abram cu a htumtäng Egypt khaw ah a shäng om tuk khai ah hteit ci.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

JOB 10:2

Kä na m’kyuk en ä, Khanpughi. Na m’thein ä! A i uktu naw a na ng’tuk püi ang?

2 GHANGPUGHANG GUI 8:1

Tuhbäi Shunem ah ka hnumi, ani naw a hta a ghin ba sak am Elisha naw a pyen nak cu, khaw avan ung Bawipa naw khoyaw tuishet nak tüi lawk khai, cun cu kum chih lüng khai, cun ah kyasei hnumi naw akyongchang gui awn a täng ah a hei ah hteit ne ami om vai,

2 GHANGPUGHANG GUI 6:25

Cun ah kya ne mang gaw kyong ah ei vai maih ne khak aih sei laa ah lu tumat ngui cheitkip, ng’yungsu akhawk ngui phe hma ah kyak ci.

1 GHANGPUGHANG GUI 18:2

Elijah cu hteit ci. Cun sang ung Samaria ung kho a käu cu akshe pikbäih ah kyak ci,

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

2 SAMUEL 5:23

Hnü ät ung David naw Bawipa ng’shi thäh ba ci, Bawipa naw, “Shin ungka naw kä na tuk en gui vai, cun ung phi hteit ne khaai gawi neta, a hei lam täng, kian shing gui ah pei ungka naw tuk gui ge vai ah nami om vai.

2 SAMUEL 5:19

David naw Bawipa ng’shi ne, “Philistin gui ka tuk gui vai aw? Näng nak na na pek khai aw?” cik ci. Bawipa naw, “Ä, na tuk gui vai nei, kei naw näng nak ka ning pek khai nei” cik ci.

1 SAMUEL 23:11

Keilah chang gui naw kei cu Saul ah kut ung ami na ap vai ang? Ka ng’yak ah mäih ah Saul cu akcang ah lawk khai ang? Bawipa, Israel Khanpughi, na na m’shan vai ah ka ning ng’zawi ci nei!” cik ci. Bawipa naw, “Saulu cu lawk khai nei!” cik ci.

1 SAMUEL 23:4

Cun ah kyasei David naw Bawipa ng’shi ba ci, Bawipa naw ani am, “Hteit ne keilah na tuk vai, Philistin gui ah khan ah näng nak vai kei naw ka ning pek khai” cik ci.

1 SAMUEL 23:2

“Hteit ne, Philistin gui ka tu gui vai ang?” cine Bawipa cu ng’shi ci. Bawipa naw, “Ä, ngami tu gui ne, keilah cu gung ä” cik ci.

JOSHUA 7:1

Bawipa naw Israel ang thumkhän ah, Jerikho ungka api phi a i phi kä lak vai, m’di m’shum yawp vai, cicu kä läk ci om ci. Achan ming nak ciah chang naw cun ah thukbäi cu kä läk ci. Cun ah kyasei Bawipa cu Israel gui ah khan ah m’lungshe ci. (Achan cu Karmi ah hta, Zabdi ah tu, Zerah pahta, Judah pakhui ah kyak ci.)

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

TAIGÜTHUM 26:26

Kei naw nami ei awk vai cu ka ning tukpit pe gui khai, cun ah kyasei hnumi gha naw ngami ung om ciah m’htut avan ami ng’shai nak vai ah meibum tumat bäng hlü khai gui. Ngami naw nän ne tei khai gui, cun avan nami ei yawp kawn ah phi nangmi cu nami cawi ba lä khai.

ATÜNNAK 43:1

Kanaan khaw ah ei vai ng’ceet law pi pi ci.

ATÜNNAK 41:57

Khomdek khan avan ung kho she khäta, khomdek khan ung chang ah hta akda naw Egypt khaw ah law ne Joseph ah ei ng’zoi lawk ci gui.

ATÜNNAK 42:5

Kanaan khaw ah ei khaw shek ci kyasei, Jakob ah hta gui cu a hei chang gui awn a täng ah ei hleih khai gui ah lawk ci gui.

2 SAMUEL 16:8

Nang naw Saul ah uknak khaw na gut ci, Saul ah kyong chang akda na ngawn ah phäh ah Bawipa naw tuhbäi ning m’kyuk ci nei. Bawipa naw uknak khaw cu na hta Absalom am pe pyi ci nei, nang na dishum ci, chang ngawn ciah chang!” cik ci.

2 SAMUEL 20:26

Jaira gawnu ungka Ira cun phi David ah taigü tumat ah kyak ci.

2 SAMUEL 21:5

Ngami naw, “Saul naw na m’di gui hlük ci, Israel khaw a hawi ah phi kami ghin tuba vai ah kä na nawng gui ci.

2 SAMUEL 24:1

Bawipa cu Israel gui ah khan ah m’lungshe ba mä ci, ani naw David cu, ami khan ah yaica nak abi vai ah bik ci. Bawipa naw ani am, “Hteit ne Israel gui la Judah chang gui cu khei gui ä” cik ci.

JOSHUA 9:20

Mi shaitak om ci kyasei ngami cu mi ghin sak gui khai. Cun ah kä mi bi ung Khanpughi naw na m’kyuk gui khai.

RUT 1:1

Suki gui naw ami uk sangung, cun ah kho ah kho yaw ci, Judah khaw Bethlehem ah ka chang tumat cu Moab khaw ah im tuk khai ah hteit ci, amät, akchu la a hta goi ni hteit ci gui.

1 SAMUEL 10:22

Bawipa cu ng’shik ci gui, “A hei chang kä om ba ne ma?” Bawipa naw, “Saul cu ca om ci, i baw gui ah hnu ah ng’thup ci nei” cik ci.

SAM 27:8

Nang naw, “Law ne na khawihnah ä” na ci ung “Ka lawk khai nei, Bawipa” cine ka ning m’shang ci.