2 SAMUEL 20:9 - Cho Bible Common Language 2016

⁹ Joab naw Amasa am, “Na gai ne ang, ka teih püi? cine, ng’ui khai hlawk ah akpat lam kut awn am gawng mu cu k’pang ci.

2 SAMUEL 20:9 Referans Kwoze

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

SAM 55:21

Ani ah ang thu cu suuktui ah hnip pi ci, cun ung phi am lung kyong ah thüi nak om ci; Ani ah angthu cu situi mäih ah a dän ung phi, chim ah mäih ah ghat ci.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

2 SAMUEL 15:5

Chang tumat naw ama ah m’khukdong ne, a chang m’sui law ah a kyak ung Absalom naw akut awn pang ne ng’ui ci ci.

2 SAMUEL 17:25

(Absalom naw Amasa cu Joab ah hnün ung gakap bawi ah tha ci. Amasa cu Ishmaelit chang Jether ah a hta ah kyak ci; anu cu Abigail, Nahash ah hta, Joab ah nu Zeruiah ah nau ah kyak ci.)

2 SAMUEL 18:29

Ghangpughang naw, “Chang nong Absalom cu phyawng ne ang?” cik ci. Ahimaaz naw, “Bawi aw, na bawi Joab ana tüih law yah ung dämduh ciah thüngkyüng nak ka hmu shüt ci nei, cun ung phi a i cicu kä ka ning m’thein hning ci nei” cik ci.

1 GHANGPUGHANG GUI 2:32

Joab naw kapa David ah kä hmat ah chang gui ngawn ne akat ah phäh ah ani cu Bawipa naw m’kyuk khai. Joab naw chang ni hnih ngawn ci, ngani cu amät ah ta ni tuba ci goi: ngani cu Abner, Israel gakapbawi la Amasa Judah gakapbawi ah kyak ci goi.

JEREMIAH 41:2

Ishmaela la chang sing gha naw ami sem phawng u ne. Kedaliah cu ngawn ci gui.

SUKI GUI 3:15

Cun kawn ah Israel gui cu Bawipa ah ma ah kyap m’lau u sei, ngami m’hlawt gui khai ah chang tumat tüih gui ci. Ani cu Ehud ak eng ah ng’hlawi ci, Benjamin pakhui Kera ah hta ah kyak ci. Israel chang gui naw Ehud cu douthak vai hteh püi ne Moab ghangpughang Eglon ah hteh sak ci gui.

NG'THU K'THUUK~ 26:23

Akcang ah na ngaih-tüh thup ciah kä ni ciah thu cu, a phu yün ciah m’dek am ah khan ah hman akni hei dak ah mäiha ah kyak ci.

NG'THU K'THUUK~ 27:6

Nang khai ah aning bi ung phi teihpü cu khäng htek ci, Cun ung phi gaa läi naw na phleing khan ah a kut a taih ung phi — na geing nak vai.