2 SAMUEL 20:6 - Cho Bible Common Language 2016

⁶ Cun ah kyasei ghangpughang naw Abishai am, “Sheba naw Absalom ah ta däm pi ciah yaica nak na pe goi khai nei. Ka chang gui la gui ne a hnu ah läk ä, kä cun ung ani naw khäng ciah gawnu khäm ne, mikmi ungka phyawng khai nei” cik ci.

2 SAMUEL 20:6 Referans Kwoze

1 GHANGPUGHANG GUI 1:33

a pyen nak gui cu, “Ka yungbawi gui la gui ne, ka hta Solomon am ka ng’sela ng’cum sak ne, Kihon tuihta pei ah hteh püi vä,

2 SAMUEL 21:17

Cun ung phi Zeruiah ah hta Abishai cu David ah kugam nak awn law neta, chang dämcham cu tu ne, ngawn ci. David ah a chang gui naw, David cu ngami awn a täng ah ng’tuk nak ung kä a hteh tuba vai ah shaitak sak ci gui. Ngami naw, “Nang naw Israel gui ah ngaih u ah na kyak ci, keimi naw na sih vai kä kami m’hni ci” cik ci gui.

2 SAMUEL 11:11

Uriah naw, “Israel la Judah chang gui cu a shaw nak ah ng’tuk bik ci gui, thukhän m’küm cu ngami awn a täng ah om ci; ka gabawi Joab la a bawi gui cu khaw häu ung om ci gui. A i hawkcha ah kei ka im ah hteit ba ne, ei ne aw ne ka chu awn ip düt ne ka om khai aw? Theing cim ciah avan awn, cun ah mäih kei naw kä ka bik khai cine ka ng’gun ci nei!” cik ci.

1 SHONTÄP NAK 18:12

Abishai, anu cu Zeruiah naw M’shi Khongnawi ung Edomit gui cu hnim gui ne, chang phia gha lei cheit ngawn gui ci.

1 SHONTÄP NAK 11:20

Joab ah nau Abishai cu ng’mingthang ci thumkip ah ami ng’vaihta ah kyak ci. Ani naw ak htei awn chang phia thum cu tu ne ngawn gui ne, chang thumkip ung mingthang lawk ci”

2 SAMUEL 23:18

Joab ah phäi Abishai (ani nu Zeruiah) cu “Mingthang ciah thum kip ung ang vai pi ah kyak ci.” Ani naw ak htei awn chang phia thum cu ng’tuk püi gui ne, ngawn gui neta “Thum Kip” ung ang mingthang pi ah kya lawk ci.

2 SAMUEL 19:7

Tuhbäi hteit ne na chang gui ng’htei cha ba sak gui ä. Kei naw Bawipa ah ming ung ng’phyun ne ka pyen cu, cun ah kä na bi ah akiak ung, ngawi ung khaw ngawi chang tumat phi nang awn a täng ah kä om khai nei. Cun cu na ghin nak avan ung na awt ah akshekha pi k’bäih leibei ah kyak khai nei” cik ci.

2 SAMUEL 18:12

Cun ung phi cun ah chang naw, “Nang naw ngui phia gha na na pek ung phi, kei naw ghangpughang ah hta ah kutpyün phi kä ka tawn khai nei. Nang ni, Abishai ni, Ittai ni am ghangpughang naw thu a ning m’khän gui cu mi van naw mi ng’yak ci nei, ‘Kei ah phäh ah chang nong Absalom cu kä nami ngawn vai.’

2 SAMUEL 18:2

Cun kawn ah thum ah k’paai ne tüi gui ci, Joab, la Joab ah nau Abishai, Gath ungka Ittai ni naw tumat ciah matawn ci gui. Cun kawn ah ghangpughang naw ak chang gui am, “Kei ka mät nangmi awn a täng ah ka hteit khai nei” cik ci.

2 SAMUEL 10:14

Ammonit gui naw Sirian gui ami dawng cu hmu u neta Abishai cu ng’hlah ta ne, dawng ne mang gaw kyong ah gawk ba ci gui. Cun kawn ah Joab cu Ammonit gui awn ng’tuk vai ah a hteh nak ungka, ng’hlat ne Jerusalem ah hteit ba ci.

2 SAMUEL 3:39

Kei cu Khanpughi naw a ghü ah ghangpughang ah ka kyak ung phi, tuh ngawi ka tha ken ci nei. Shin ah Zeruiah ah hta gui cu kei ah phäh ah ta, m’gäi m’cik aih ci gui nei. Shin ah chang chei yeeih gui cu ami katnak ah ciah Bawipa naw m’kyuk gui sä” cik ci.

2 SAMUEL 3:30

Cun ah kyasei Kibeon ng’tuk nak ung Abner naw ani phäi Asahela a ngawn ah phäh ah Joab la a phäi Abishai naw phu ani tuk ah kyak ci.

2 SAMUEL 2:18

A cu ah om ci gui ah Zeruiah ah hta thum cu: Joab, Abishai la Asahela ah kyak ci. Asahela, kigang ah mäih ah dawng m’khüt ci naw,

1 SAMUEL 26:6

David naw Hittite chang Ahimelek la Abishai, Joab ah a phäi (ani cu Zeruiah) cu khü goi ne, “Nang ni ung ka a u ang Saul ah phung ah kei awn a täng ah a hteh tu kaw?” cik ci. Abishai naw, “Ä, ka hteit tuk khai” cik ci.

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

MAKUH 3:24

Chang gui ami m’lung ngaih ng’pai sei ami küüt-neet nak ah kho cu a hei hei ah ng’pai yawp khai nei.