2 SAMUEL 20:22 - Cho Bible Common Language 2016

²² Ani cu ang bü nak awn mang gaw chang gui ah dawng ba sei, ngami naw Sheba ah lu chüng ne, pang ah khan ung Joab am ak ghawh lawk ci gui. Ani naw mang gaw hteh tak nak vai ah m’hnüt nak ah phyung puuk tum sei, ngami cu ng’hlat ne ami im ah hteit ba ci gui. Joab cu Jerusalem ung ghangpughang ah hteit ba ci.

2 SAMUEL 20:22 Referans Kwoze

THUSHÄUTU 7:19

Uktu chang gha naw mang gaw tumat ah phäh ah ami bi hning ah ta, cüivai nak naw chang tumat phäh ah bi hning pi ci.

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

THUSHÄUTU 8:11

A i ah kyasei chang gui naw ang ghit ah cawipang nak cu ami bi ang? Cawipang nak cu ang ghit ah kä ami m’kyuk ah phäh ah kyak ci.

2 SAMUEL 20:16

Mang gaw kyong ah cüivai ciah hnumi om ci, ani cu pang ungka naw m’lau ne, “Ngai vä! Ngai vä! Shiah a law vai ah Joab cu m’thein vä; kei naw ka ng’htau püi hlük ci nei” cik ci.

2 SAMUEL 18:16

Joab naw ng’tuk nak ng’düm nak vai ah phyung puuk tum sak gui ci, a ga kap gui cu Israel gui ami k’täm nak ungka law ba ci gui.

2 SAMUEL 2:28

Cun kawn ah Joab naw Israel gui ami k’täm nak ami düm nak vai ah m’hnüt nak ah k’phyung puuk tum sei; ami ng’tuk nak cu ng’pyi ci.

2 SAMUEL 18:17

Ngami naw Absalom ah pum cu la u neta, bung hmu ah ak thuk ah khui ci ung yuk chak ci gui, ak khan ah lung gui akawm awn adäm ah yuk pum shi ci gui. Israel chang gui ami van cu ami im phäh phäh ah dawng ba ci gui.