2 SAMUEL 20:2 - Cho Bible Common Language 2016

² Cun ah kyasei Israel chang gui cu David hteh ta u ne, Sheba awn hteit ba ci gui. Cun ung phi Judah chang gui cu om shüt ne, bekhüt u ne, Jordan ungka naw Jerusalem ah khüt sei David cu läk ci gui.

2 SAMUEL 20:2 Referans Kwoze

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

NG'THU K'THUUK~ 17:14

Ng’vook shan nak ah ng’tun nak cu tuikbum a pawk hlü ah maih ah kyak ci. Ak dam ah ka ng’vook pha ung cun cu nawng vai.

SAM 62:9

Chang avan cu mei khu ah mäih ah kyak ci gui. Akzaw akdäm avan cu a kholä ah kyak ci. Ngami cu khin gui ung phi kä gih ci gui; Ngami cu khokhi ah yaang tu ba ci gui.

2 SHONTÄP NAK 10:17

Rehoboam cu ghangpughang ah kya ne Judah khawpäng ung om ciah chang gui bäng uk khai ah nawng ci gui.

2 SAMUEL 19:15

Cun ah kyasei ghangpughang cu Jordan ung gawk lawk ci, Judah chang gui cu ghangpughang hmuk khai gui ah Gilgal ung gawk lawk ci gui, ngami naw tuinu kah nak ung phi ngäng m’htei khai gui.

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

2 SAMUEL 20:3

David cu Jerusalem amang im ung gawk law ba neta, mang im m’htei khai ah a nawng shüt gui chubawk sing gha cu la gui ne, im ung chum gui ci. Ani naw ami ng’yak hlü pe gui ci, cun ung phi kä ng’yaw koh püi gui ci. Ngami cu ami ghin ah chüih chum ne tha gui ci, hmeinu ah mäih ah om ci gui.

2 SAMUEL 20:21

Cun cu keimi ah pawng püi ah kä kyak ci. Ephraim khaw gui ungka Bikri ah hta Sheba ming nak ciah chang naw Ghangpughang David cu hnu ng’tuk püi ci. Cun ah chang cu ap vä, kei mang gaw ungka, ka ng’hlat ba khai nei” cik ci. Hnumi naw, “Keimi naw ani ah lu cu pang khan ungka naw kami ning ak ghawh khai nei” cik ci.

1 GHANGPUGHANG GUI 12:20

Israel chang gui naw Jeroboam Egypt kho ah ka a law ba ng’ya u neta, ani cu khü ne chang gui awn ng’hmuh püi u ne, Israel ghangpughang ah hmoh ci gui. Judah pakhui bäng cu David ah hta ng’shon ung bekhüt ne om ci gui.