2 SAMUEL 20:14 - Cho Bible Common Language 2016

¹⁴ Sheba naw Israel pakhui ami van ah khaw gui cu sum pah gui ne, Abel Beth Maacah mang gaw ung gawk lawk ci. Bikri pakhui chang avan ng’bum u ne, ani cu mang gaw kyong güt ah läk lawk ci gui.

2 SAMUEL 20:14 Referans Kwoze

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

2 SHONTÄP NAK 16:4

Benhadad naw Asa ah pyen cu yum neta, a gabawi gui la gakap gui cu tüi gui ne Israel mang gaw gui cu tuk ci. Ngami naw Ijon, Dan, Abel Beth Maakah la ei awk vai ami tha nak ah Naphtali ung mang gaw avan cu khäm ci gui.

1 GHANGPUGHANG GUI 15:20

Ghangpughang Benhadad naw Asa ah ng’ge püi cu yum neta a gabawi gui la gakap gui cu Israel mang gaw gui tuk khai gui ah tüi gui ci. Ngami naw Ijon, Dan, Abel Beth Maakah, Kalile tuinu pei ung la Naphtali khawpäng avan cu khäm ci gui.

JOSHUA 18:25

Cun kawn ah Kibeon, Ramah, Beeroth,

KHEI NAK 21:16

Cun ungka naw Wells khaw hmun ah hteit ci gui. A cu ah Bawipa naw Moses a pyen nak cu, “Chang gui a täng ah law püi gui ä, kei naw tui ka pe gui khai nei.”

2 SAMUEL 20:13

Lam ungka gook cu ami m’hnawn kawn ah chang van naw Joab cu läk u ne, Sheba cu gawt ci gui.

2 SAMUEL 20:15

Joab ah chang gui naw Sheba cä ah a om cu ng’ya u neta, ngami naw hteit ne, mang gaw khaai ci gui. Ngami naw pang akpung täng m’dek phlu ne pyang u ne, k’pang ayu ng’kiak vai ah pang ah ka phi co ci gui.