2 SAMUEL 20:13 - Cho Bible Common Language 2016

¹³ Lam ungka gook cu ami m’hnawn kawn ah chang van naw Joab cu läk u ne, Sheba cu gawt ci gui.

2 SAMUEL 20:13 Referans Kwoze

MAKUH 10:46

Bawipa Jesuh la ang düihpüi gui cu Jerikho gawnu ah ami gawk kawn ah, chang khli awn a täng ah acun ungka naw ng’düi ne hteit ba ci gui. Cun ah ami hteh ba nak ah ng’yoi ne ei ciah Timaeus ah hta Bartimaeus cu lam pei ah ana ngok ci.

JEREMIAH 31:21

M’hnüt nak ng’ling ne lam cu m’hnüt ä; na hteh nak te ah lam cu shui teng ba ä. Law ba vä, Israel chang gui, nami hteh tak ah gawnu Im ah law ba vä.

ISAIAH 62:10

Jerusalem chang gui, mang gaw ah k’pung ah hteit u ne, law ba khai gui ah nami chang gui ah phäh ah lam co ne pyang vä! Lam k’cawh nu pyang vä; lung gui nawt heng vä! M’hnüt nak ah alan cu hleek vä, cun ung chang pakhui gui naw hmat khai gui,

ISAIAH 36:2

Cun kawn ah ani naw a bawi ng’vaipi thukväi ne, gakap aknui khah püi ne, lachish ung ka naw Jerusalem ah hteit ne ghangpughang Hezekiah naw ang paa nak vai ah k’thäh sakc! A cun ah bawi ng’vai naw lam cu khäm ci, cun cu tah tah ci gui ah bi bi nak ak khan tui büm ung ka, tui ami hang lak nak ah mzawng ah kyak ci.

ISAIAH 7:3

Bawipa naw Isaiah am, “Na hta Shear Jashub cu hteh püi ne Ghangpughang Ahaz cu va hmu ä. Ani cu akhan tui büm ung ka tui laknak ah mawngah khütnak, tah tah ci gui ah bi nak ah lam ung na hmuk khai nei.

NG'THU K'THUUK~ 16:17

Lam akni ung htie ciah chang naw akshe cu hlawi hlek ci, na hteh nak ah lam cu na m’htei vai.

2 GHANGPUGHANG GUI 18:17

Assirian uktubawi naw Lachish ungka naw Jerusalem ung Hezekiah tuk khai ah gakap akda tüi lawk ci; acun cu ani ah ak hlüng pi ah bawi gui thum naw tängpang ci gui. Ngami cu Jerusalem ung gawk law u ne, a khan täng ah ka tui ah lon law nak ah lawng pei, shuntah ci gui ah bi nak ah lam cu khäm u ne a cun ung om ci gui.

1 SAMUEL 6:12

Seipat gui cu tün ne, Beth Shemesh lam ung hteit ci gui, ang düng ah hteit u ne, kä a ng’hlat law ba ling ci gui. Ngami cu ani naw hlü ah maw ci gui. Philistin ghangpughang hmaw naw Beth Shemesh khogi ung khüt ne läk gui ci gui.

SUKI GUI 21:19

Cun kawn ah ami ngaih cu, “Shilon ung akum tä bi ah Bawipa ah pawi cu gawk law ge ci nei.” (Shilon cu Bethela ah asiip, Lebanah ah a htum, Bethela la Shekhem ah ng’lak lam ah akiang ah kyak om ci.)

KHEI NAK 20:19

Israel chang gui naw, “Keimi lam bä bä ung kami hteit khai, keimi käcung kami seime naw nami tui a awk ah a kyak ung, kami ning thung gui khai, kami ng’yak hlü cu nami khaw kaan tu bäng vai ah kyak ci,” cik ci gui.

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

2 SAMUEL 20:11

Joab ah chang tumat cu Amasa ah pumsa pei ah ng’düi neta ng’khü ci, “David la Joab ah phäh ah ng’düi ciah chang päng naw Joab cu läk sä” cik ci.

2 SAMUEL 20:14

Sheba naw Israel pakhui ami van ah khaw gui cu sum pah gui ne, Abel Beth Maacah mang gaw ung gawk lawk ci. Bikri pakhui chang avan ng’bum u ne, ani cu mang gaw kyong güt ah läk lawk ci gui.