2 SAMUEL 20:12 - Cho Bible Common Language 2016

¹² Amasa ah pumsa cu si bäng ah kya ne lam ng’lung ung ng’yän ci. Acun ung chang avan ng’düm u sei, Joab ah chang naw hmuk ci. Ani naw lam ungka kaih ne, lo ma ah tha neta, yih awn bu shüt ci.

2 SAMUEL 20:12 Referans Kwoze

SAM 9:16

Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

SAM 55:23

O Khanpughi, cun ung phi nang naw, Chang ngawn ci gui la m’gu hleei ci gui cu, ng’cim hmun ung na hteh sak gui khai, ngami cu kä chang cawih khai gui. Cun ung phi kei läi cu nang ka ning ngaih u khai nei.

2 SAMUEL 17:25

(Absalom naw Amasa cu Joab ah hnün ung gakap bawi ah tha ci. Amasa cu Ishmaelit chang Jether ah a hta ah kyak ci; anu cu Abigail, Nahash ah hta, Joab ah nu Zeruiah ah nau ah kyak ci.)

2 SAMUEL 2:23

Cun ung phi Asahela cu kä ng’düm ci; cun ah kyasei Abner naw vang hlat ba neta, apoi ung vawi sei a hnu täng ah ng’täih lawk ci. Asahela cu m’dek ung kyu ne si sei, ani ang yän nak ah hmun ung gawk lawk ci päng cu ng’düm ne ng’düi ci gui.

2 SAMUEL 20:11

Joab ah chang tumat cu Amasa ah pumsa pei ah ng’düi neta ng’khü ci, “David la Joab ah phäh ah ng’düi ciah chang päng naw Joab cu läk sä” cik ci.

2 SAMUEL 20:13

Lam ungka gook cu ami m’hnawn kawn ah chang van naw Joab cu läk u ne, Sheba cu gawt ci gui.