2 SAMUEL 20:10 - Cho Bible Common Language 2016

¹⁰ Joab naw akut vangtäng ung a kawh ah khim cu, Amasa naw kä hmat ci, Joab naw apoi ung k’daih ne yak sei, ak chi lut law ne m’dek ung ng’zäi ci. Ani cu a cung sik ci, Joab naw a i ah phi kä ciba ci. Cun kawn ah Joab la anau Abishai naw Sheba cu läk ba ci goi.

2 SAMUEL 20:10 Referans Kwoze

2 SAMUEL 2:23

Cun ung phi Asahela cu kä ng’düm ci; cun ah kyasei Abner naw vang hlat ba neta, apoi ung vawi sei a hnu täng ah ng’täih lawk ci. Asahela cu m’dek ung kyu ne si sei, ani ang yän nak ah hmun ung gawk lawk ci päng cu ng’düm ne ng’düi ci gui.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

SUKI GUI 3:21

Ehud naw akpat täng pheikhaw ung ka khim cu, ak eng täng kut awm yu saw neta, ghangpughang ah a poi cu k’tawk ci.

1 SHONTÄP NAK 12:2

Saul pahta, Benjamin pahta ungka gui ng’dawn lawk ci gui. Ngami cu li phi kap thei ci gui, ami k’eng k’pat awn yai li phi kap thei ci gui ah kyak ci.

2 SAMUEL 20:9

Joab naw Amasa am, “Na gai ne ang, ka teih püi? cine, ng’ui khai hlawk ah akpat lam kut awn am gawng mu cu k’pang ci.

1 SAMUEL 26:8

Abishai naw David am, “Tuhmü Khanpughi naw na ga cu na huham kyong ah tha ci nei. Tuhbäi amät ah k’htei awn m’dek ung ng’süh khai ah hnü ät ge ka shun khai, hnih vei baw, kä ka shun khai! cik ci.

ATÜNNAK 4:8

Kain naw anau Abel am, “Lo ah ni hteit kaw” ci sei, lo ah hteit ni neta, Kain naw a nau cu ng’hlah shi ne ngawn ci.

KHEI NAK 35:20

“Chang tumat naw chang tumat cu thüi na neta buh tawn ne, kä cung a i awn baw vawi ne,

JEREMIAH 41:2

Ishmaela la chang sing gha naw ami sem phawng u ne. Kedaliah cu ngawn ci gui.

SUKI GUI 3:15

Cun kawn ah Israel gui cu Bawipa ah ma ah kyap m’lau u sei, ngami m’hlawt gui khai ah chang tumat tüih gui ci. Ani cu Ehud ak eng ah ng’hlawi ci, Benjamin pakhui Kera ah hta ah kyak ci. Israel chang gui naw Ehud cu douthak vai hteh püi ne Moab ghangpughang Eglon ah hteh sak ci gui.