2 SAMUEL 20:1 - Cho Bible Common Language 2016

¹ Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

2 SAMUEL 20:1 Referans Kwoze

1 GHANGPUGHANG GUI 12:16

Chang gui naw ghangpughang naw a i ah kä a ngaih gui cu hmu u neta, m’lau ci gui, “David la akyong chang cu nawng gui vä! Ngami naw mikmi ah phäh a i ang ami na bi pek gui man? Israel chang gui, mi im ah mi hteit ba khai nei! Rehoboam naw amät naw amät teng sä!” Cun ah kyasei Israel chang gui naw hnungtuk püi u ne,

2 SHONTÄP NAK 10:16

Ghangpughang naw a i ah kä ang ngaih gui cu chang gui naw hmu u neta, “David la akyong chang ungka, mikmi ah chaw tu a i om ne ang! Ngami naw mikmi ah phäh ah, a i ang ami bi? Israel chang gui! Mi im ah mi hteit ba khai nei! Rehoboam amät naw amät tengkhen sä! cine m’lau ci gui. Cun ah kyasei Israel chang gui naw hnungtuk ci gui,

THULÄÄN NAK 13:13

Nami pakhui ungka kä chang chu ciah chang amshah naw ami gawnu ung om ciah chang gui cu, kä nami khawihnah man ah khanpughi gui, khawihnah tuk khai ah lam she m’shüm khai gui.

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

LUKA 19:14

Cun ung phi a kho ung ak chang gui naw, ani cu m’thüi na u netah, ‘Ani ah uknak kä kami ng’ya hlük ci nei’ cine ng’shä tüi ne pyein lawk ci gui.

NG'THU K'THUUK~ 26:21

Mei k’eh naw meicak cu ng’ai sak ci, Sing naw mei cang sak ci, Khüikha nak bik ciah chang naw ng’cuhcan nak thawh sak ci.

NG'THU K'THUUK~ 25:8

Na hmuh ah mawng pyen vai ah ang ghit aih ah yung ah kä na hteh vai, a kawn ah ahei saksi naw law ne na hma ciah a pyen ung a i ah na kyak khai aw?

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

SAM 17:13

Bawipa, kyum law ä! Ka gaa gui cu ng’tuk püi gui ne m’htin gui ä! Changshe gui ung ka, na chim ghaat awn na hun ä;

2 SHONTÄP NAK 10:6

Ghangpughang Rehoboam naw, apa Solomon naw ang shi k’ca vai ah a tha gui man ah angvai a gham gui cu “Shin ah chang gui a i ah mäih ah ka m’shan gui vai ah ang nami na m’cäi hlü?” cine ng’shi gui ci.

2 SAMUEL 23:6

Khanpughi kä om ci cik ci gui cu ng’hling ah mäih ah kyak ci gui, cun gui cu ghawh ah kyak ci; a u naw phi awng ciah kut awn kä tawn gui ci.

2 SAMUEL 15:10

Cun ung phi ani naw Israel pakhui avan ung chang tüi ne a pyen sak gui cu, “Phyung heng ah ng’gin nami ng’yak ah akiak ung, ‘Absalom cu, Hebron ung ghangpughang ah kai ci nei’ cine nami m’lau vai!” ciah pyen ci.

1 SAMUEL 30:22

Cun ung phi chang om she, akholä gui naw David awn a täng ah hteit tuk ci amshah naw, “Ngami cu mikmi awn a täng ah kä hteit tuk ci gui, cun ah kyasei khawh api phi kä mi pe tu gui khai. Ngami naw ami chu gui la ami hta gui cu la ba u ne, a hei ah hteit u sä” cik ci gui.

1 SAMUEL 2:12

Eli ah hta gui cu chang sawkshe gui ah kyak ci. Ngami naw Bawipa cu a i ah kä sui ci gui,

SUKI GUI 19:22

Ngami cu ami lüilawi tu yah ung cun ah gawnu ung htukhtik ciah chang gui cu, im veing u ne, shoh kauh ci gui. Ngami naw a ghipa nu am, “Na khah law püi ah chang cä, na pek gui ä! Ani awn kami ng’yaw hlük ci nei!” cik ci gui.

SUKI GUI 3:27

Ani cu Ephraim khaw-gui ung gawk neta, k’phyung puuk tum ne Israel chang gui cu ng’tuk nak ah khü gui ci; cun kawn ah khaw-gui zung ka naw kyum law ba püi gui ci.

JOHAN 13:8

Peter naw, “nang Bawipa naw kei ah kho cu a i yah ung phi kä nam si khai nei” cik ci. Bawipa Jesuh naw, “Kei naw na kho kä ka ning m’si ung, nang cu kei ah ng’düihpüi ah kä na kya ba khai” cine pyen nak ci.

ATÜNNAK 46:21

Benjamin ah hta gui cu; Bela, Becher, Ashbela, Kera, Naaman, Ehi, Rosh, Muppim, Huppim la Ard ah kyak ci.

1 SAMUEL 13:2

Saul naw chang phia thum kip ghü ci, phia m’ku cu amät ah om nak, Bethela kho gui, Macmash ah om püi gui ne, phia gha cu Benjamin pakhui ah om nak Gibeah ah a hta Jonathan awn a täng ah om sak gui ci. Ak pawih ba gui cu Saul naw ami im ah tüi ba gui ci.

2 SAMUEL 16:7

Shimei naw ani taam ne a pyen cu, “Hteit ä! Hteit ä! Chang ngawn ci! Cawi m’sa ci!

2 SAMUEL 18:17

Ngami naw Absalom ah pum cu la u neta, bung hmu ah ak thuk ah khui ci ung yuk chak ci gui, ak khan ah lung gui akawm awn adäm ah yuk pum shi ci gui. Israel chang gui ami van cu ami im phäh phäh ah dawng ba ci gui.

2 SAMUEL 20:2

Cun ah kyasei Israel chang gui cu David hteh ta u ne, Sheba awn hteit ba ci gui. Cun ung phi Judah chang gui cu om shüt ne, bekhüt u ne, Jordan ungka naw Jerusalem ah khüt sei David cu läk ci gui.

2 SAMUEL 20:22

Ani cu ang bü nak awn mang gaw chang gui ah dawng ba sei, ngami naw Sheba ah lu chüng ne, pang ah khan ung Joab am ak ghawh lawk ci gui. Ani naw mang gaw hteh tak nak vai ah m’hnüt nak ah phyung puuk tum sei, ngami cu ng’hlat ne ami im ah hteit ba ci gui. Joab cu Jerusalem ung ghangpughang ah hteit ba ci.

1 GHANGPUGHANG GUI 21:10

Cun kawn ah chang omshe hnih khü goi neta, ngani naw a hmai ung tawk ne, shin ah chang cu khanpughi la ghangpughang yeeihkah nak ci nei, ci ni sä. Cun kawn ah ani cu mang gaw k’pung ah hteh püi ne, lung awn vawi ne ngawn vä” cik ci.

RUT 2:3

Ruth cu lo ah hteit tu ne, bii bik ci gui ah hnu ah läk tuk ci, ngami naw ami hma shut ah htang vui gui cu shui tuk ci. Cun ah ani ah bi nak tu cu kä ngaih-tüh ah Baoz ah lo ah kya lawk ci.

2 SAMUEL 16:11

David naw Abishai la a bawi gui ami van am, “Ka mät ah hta naw na ngawn khai ah tha nak ci nei; a i vai shin ah Benjamin chang gui ah phäh ah nami cäicat ang? A shai vai ah Bawipa naw am thein nei; cun ah kyasei amät nawng vä, am hni ah bi sä.

MAKUH 3:24

Chang gui ami m’lung ngaih ng’pai sei ami küüt-neet nak ah kho cu a hei hei ah ng’pai yawp khai nei.