2 SAMUEL 2:9 - Cho Bible Common Language 2016

⁹ A cu ah Abner naw Ishbosheth cu, Kilead, Asher, Jezreelaa, Ephraim la Benjamin khaw gui ah ghangpughang, akcang ah Israel khaw avan uk khai ah hmoh ci.

2 SAMUEL 2:9 Referans Kwoze

SAM 108:8

Kilead cu ka kho, Manasseh phi ka kho; Ephraim cu ka lukhu, Judah cu ka mang shopawng.

SUKI GUI 1:32

Asher chang gui cu ana om ciah Kanaanit gui awn a täng ah om ci gui, ngami naw ahtük ge ung kä ami k’täm gui ah kyak ci.

JOSHUA 19:18

Acun ah area ung Jeyreela, Chesulloth, Shunem,

ATÜNNAK 30:13

Leah naw, “Kei ka yeikyai ci nei, hnumi gui naw kei cu zeikai ciah na khü khai gui nei” ci neta, Asherah ah a ming sui ci.

JOSHUA 22:9

Cun ah kyasei Reuben, Kad la Akiang täng Manasseh pakhui gui cu amiim ah hteit ba ci gui. Ngami naw Kanaan khaw Shilon ung pawih ciah Israel gui cu nawng shüt gui ci gui. Cun ung tün ne ami mät ah khaw, Kilead khaw ung ng’tün ci gui. Cun cu Bawipa naw Moses ung ang thumkhän ah mäih ah ngami naw ami läk ah kyak ci.

1 SAMUEL 29:1

Philistin gui naw ami gakap gui avan cu a täng ah Aphek ung law püi ci gui, cun yah ung Israel gui cu Jeyreela khaw ng’nawi ung phung tu ne om ci gui.

2 SAMUEL 2:10

Ani cu Israel ghangpughang ah akyak yah ung a kho kum phli-kip lawk ci, ani naw kum goi uk ci. Cun ung phi Judah pakhui cu David ung bekhüt ci gui,

2 SAMUEL 3:6

David ah chang gui la Saul ah kyongchang ung bekhüt ci gui cu ng’tu laih laih u neta, Saul ah hnu läk ci gui ungka, Abner cu huham mah law pi k’täi ci.

JOSHUA 16:5

Shin cu Ephraim kyong chang gui ah khopäng ah kyak ci; cun ah khawgii cu Ataroth Addar ungka naw a kiangtäng ah hteit ne, akhanlam Beth Horon ung gawkci.

JOSHUA 16:8

Akhei täng ung khawgii cu Tappuah ungka naw Kanah tuilong ung hteit ne, Mediteranean tuinu ung khüt ci. Shin cu Ephraim pakhui kyong chang gui am ami kaa nak vai ah pek gui ah khaw ah kyak ci.

JOSHUA 16:9

Cun ung gawnu gui, gawhta gui phi da ci, cun gui cu Manasseh khawgii kyong ah kyak ci, cun ung phi cun gui cu Ephraim gui am pek gui ah kyak ci.

JOSHUA 17:1

Jordan ah akhei täng khaw avang cu Joseph ah hta angvai ba Manaseh ah ang shon, amshah kyongchang gui am pek ah kyak ci. Kilead ah pa Machira cu Manasseh ah hta angvai pikbäih ah kyak ci, m’gäi ciah gakap ah kyak ci. Cun ah kyasei Jordan ah a kiangtäng Kilead la Bashan khaw cu ani am pek ah kyak ci.

JOSHUA 18:11

Benjamin pakhui kyongchang gui ah kaa nak ah khopäng cu a htük bäih ung pek gui ah kyak ci. Ngami ah khaw cu Judah la Joseph pakhui ah ng’lak ah kya ci.

JOSHUA 18:20

Jordan tuinu cu a kiangtäng khogii ah kyak ci. Shin cu Benjamin pakhui kyong chang gui naw ami kaa nak vai ah ami gah ah khaw ah khogii ah kyak ci.