2 SAMUEL 2:7 - Cho Bible Common Language 2016

⁷ Khüi ghat vä! M’gäi vä! Nami ghangpughang Saul cu si pyi ci, Judah chang gui naw ami ghangpughang ah kei cu na hmoh pyi ci gui nei” cik ci.

2 SAMUEL 2:7 Referans Kwoze

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

2 SAMUEL 10:12

Khüi ghat ne nami thamah vai! Mi chang gui la mi Khanpughi ah mang gaw gui ah phäh ah k’tha na ne mi ng’tuk khai nei. Bawipa naw ang yak hlü ah bi bik khai nei!” cine m’cäi gui ci.

1 SAMUEL 31:12

a m’gäipi bäih düi law htük khäta, amü pum hteit ne Beth Shan ah lawk ci gui. Ngami naw Saul la a hta gui ah pum sa gui cu k’pang ung ka la u neta, Jebesh ah hteh püi ba u ne, m’khih ne m’cim ci gui.

1 SAMUEL 31:7

Jeyreela khaw nawi la Jordan tuinu a kiangtäng ah om ciah Israel gui naw Israel gakap gui ami dawng ah mawng la Saul la a hta gui ami ngawn ah mawng cu ng’ya u neta, ami pigaw gui nawng ne dawng yawp ci gui. Cun kawn ah Philistin gui law u ne khäm yawp ci gui.

1 SAMUEL 4:9

M’gäi vä, Philistin chang gui! Chang na ne ng’tuk bi vä, kä cun ung Hebrew gui ah changshäm ah mi kya khai nei, ngami mi changshäm ah ami kyak ah mäih ah. Cun ah kyasei chang na ne ng’tuk bi vä!”

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

2 SAMUEL 2:6

Tuhbäi Bawipa naw ning m’hni gui ne, ning bekhüt na gui sä. Kei naw phi nami bilawh ah phäh ah akni ah ka ning m’htei gui khai nei.

2 SAMUEL 2:8

Saul ah gabawi, Ner ah hta Abner cu Saul ah hta Ishbosheth awn Jordan tuinu kat ne Mahanaim ah dawng ci goi.

NEHEMIAH 2:18

Cun kawn ah Khanpughi naw a i cha ah ana om püi, ana m’hteihtang la, uktu bawi naw a i ah ana pyen nak cu ka m’thein gui ci. Ngami naw na m’shang u ne, “Tün ne mi co khai nei” ci u ne ngami cu bi lawh ge vai ah om ci gui.

2 SAMUEL 5:3

Cun ah kyasei Israel gui ah ami ng’vai gui ami van cu David Ghangpughang ah om nak Hebron ah lawk ci gui. Ani naw theing ciah hmuh ng’gei nak cu bi püi gui ci, ngami naw ani cu m’shumphyuk u sei, ani cu Israel ghangpughang ah kya lawk ci.

2 GHANGPUGHANG GUI 11:12

Cun kawn ah Jehoada naw Joash cu luh law püi ne, a lu ung mang lukhu k’bün ne, ghangpughang ah kawh ah thukhän ca cu pek ci. Cun kawn ah Joash cu phyuh theh ne ghangpughang ah ng’shäu ci gui. Chang gui naw ami m’ya k’phyawk u ne, “Ghangpughang a ghin kho ng’shäi sä!” cine m’lau ci gui.