2 SAMUEL 2:4 - Cho Bible Common Language 2016

⁴ Cun kawn ah Judah chang gui cu Hebron ah law u ne David cu Judah ghangpughang ah hmoh ci gui. David naw Kilead ung Jebesh chang gui naw Saul ami htüm cu ng’ya neta,

2 SAMUEL 2:4 Referans Kwoze

2 SAMUEL 5:5

Ani naw Hebron ung om ne Judah cu khaw kum chih la avang ung uk ci, Jerusalem ung om ne Israel la Judah cu khaw kum thumkip-lei thum ung uk ci.

2 SAMUEL 5:3

Cun ah kyasei Israel gui ah ami ng’vai gui ami van cu David Ghangpughang ah om nak Hebron ah lawk ci gui. Ani naw theing ciah hmuh ng’gei nak cu bi püi gui ci, ngami naw ani cu m’shumphyuk u sei, ani cu Israel ghangpughang ah kya lawk ci.

1 SHONTÄP NAK 11:3

Cun ah kyasei Israel gui ah ami ng’vaihta gui ami van Hebron ung David Ghangpughang ah lawk ci gui. Ani naw ak bum gui. Ng’teng püi gui ci, ngami naw ani cu phyuh theh ci gui, ani cu Samuela ung Bawipa naw shai atak ah mäih ah Israel ghangpughang ah kya Lawk ci.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

2 SAMUEL 19:42

Judah chang gui naw, “Ka mi bi hman ci, a i ah kyasei ci ung, ghangpughang cu keimi ungka ah kyak ci. A i ah kyasei cun naw nami m’lung a shet sak ang? Ani naw ei vai na pe gui ne ang? a i bawta na pe gui ne ang?

2 SAMUEL 19:11

Israel chang gui ah ng’htau ah ng’thu cu ghangpughang David ung gawk ba ci. Cun ah kyasei ani naw taigü goi Zadok la Abiathar cu tüi goi ne Judah ng’vai gui cu ng’shi sak gui ci, “A i ah kyasei ghangpughang a mang im ung tha ba nak ung kugam tu vai ah nami shokshü ang?

2 SAMUEL 5:17

Israel ghangpughang ah David a kyak law cu Philistin gui am m’thein gui ci gui, cun ah kyasei ami gakap m’cääp ne ani tuk vai ah pawng ci gui. David naw cun cu ng’ya neta, khäng ciah ng’shung nak ung hteit ne om ci.

2 SAMUEL 2:11

Ani naw Hebron ung om ne khokum chih la amcawt Judah ung uk ci.

2 SAMUEL 2:7

Khüi ghat vä! M’gäi vä! Nami ghangpughang Saul cu si pyi ci, Judah chang gui naw ami ghangpughang ah kei cu na hmoh pyi ci gui nei” cik ci.

1 SHONTÄP NAK 12:23

David Hebron ung a om yah ung, ng’thei pyi ciah gakap akda ani ung ng’dawn law u ne, Bawipa ah a shaitak ah mäih ah Saul ah hnün ung ani cu ghangpughang ah tha vai ah bawm tuk ci gui. Cun gui cu khei ung shin chü ah kyak ci: Judah: Shawi la htei gui kawt ne ng’tuk nak vai akbe om ciah chang 6,800; Simeon: akni ah m’thei pyi ah chang 7,100; Levi: Chang 4, 600; Aaron ah htangshon, Jehoiada läk ciah chang 3, 700; Zadok, ng’tuk hning ciah chang nong, ani ah mätyah gui: matawn ciah chang 22; Benjamin (Saulu amät ah pakhui): 3, 000 (Benjamin chang gui akda pi cu Saul ung bekhüt lä ci gui.); Epraim: Chang 20, 800 ngami cu ami mät ah pahta ung mingthang ci gui; Akheitäng Manasseh: David cu ghangpughang ah tha khai ah ami ghügui chang 18, 000; Issakha: angvaihta 200, ngami awn a täng ah ami thumkhän ka ah om ciah chang gui. (Shin ah angvaihta gui naw Israel gui ah ami bi vai la ami bi nak vai ah a khin om pi cu hmat ci gui); Zebulun: bekhüt ne ngaih gep vai kyak ci, ng’tuk ge vai ah kyak ciah chang 50, 000 Li htei awan ami m’thei gui ah kyak ci; Naphtali: angvaihta gui 1, 000 shani la htei kawtciah gakap 37, 000 awn a täng ah om ci gui; Dan: ami m’thei gui pui chang 28, 600; Asher: ng’tuk ge vai ah om ciah chang 40, 000 Jodan akiangtäng ung om ciah pakhui gui. Reuben Kad, la Manasseh akiang ung om ciah chang gui: Chang 120, 000 cu likhim avan ami m’thei gui ah kyak ci.

2 SAMUEL 21:11

Rizpah ah bi cu David naw ng’ya neta,

2 SAMUEL 21:12

Gilead ah Jebesh chang gui ah, Saul la a hta Jonathan ah guh cu hteit ne lak ci. (Beth Shan pigaw lung ungka ngami naw ami m’guk ah kyak ci, cun cu Gilboa M’htung ah Saul ngawn u ne, a cu hnüüp, a pum cu Philistin gui naw ami m’awh ah kyak ci.)

2 GHANGPUGHANG GUI 11:12

Cun kawn ah Jehoada naw Joash cu luh law püi ne, a lu ung mang lukhu k’bün ne, ghangpughang ah kawh ah thukhän ca cu pek ci. Cun kawn ah Joash cu phyuh theh ne ghangpughang ah ng’shäu ci gui. Chang gui naw ami m’ya k’phyawk u ne, “Ghangpughang a ghin kho ng’shäi sä!” cine m’lau ci gui.

1 SHONTÄP NAK 10:11

Philistin gui naw Saul ah khan ah ami bi cu Kilead ung om ciah Jebesh chang gui naw ng’ya u neta