2 SAMUEL 2:32 - Cho Bible Common Language 2016

³² Joab la ak chang gui naw Asahela ah gook cu la u ne, Bethlehem ah akyong chang ah phuh hmun ung phuh ci gui. Cun kawn ah ngami cu pum ng’kaan u ne, kho ngawi hta ung Hebron ah gawk ba ci gui.

2 SAMUEL 2:32 Referans Kwoze

NG'THU K'THUUK~ 22:29

Bii akni ah bik cicu na m’hnuh vä, Ghangpughang ah chang gui ung päipih ci lani pi ciah ta, bä pi cicu ka ning m’hnuh gui khai nei.

2 SHONTÄP NAK 21:1

Jehoshaphat cu si sei David mang gaw, mang ah phuh hmun ung phuh ci gui. A hta Jehoram cu ani ah hnün ung ghangpughang ah kya ba ci.

2 SHONTÄP NAK 16:14

ani cu David Mang gaw ah amät naw a vüh ah lungpou phuh hmun ung phuh ci gui. Ngami naw ani ah pumsa cu tui ng’ui gui la situi gui awn pyang ne phuh u neta, ani ah sih ah phäh ah ami thüi sei nak ah mei akdäm ah bum ne cik ci gui.

2 SAMUEL 5:1

Cun kawn ah Israel pakhui ami van David ah om nak Hebron ah law neta ng’thu ami pyen cu, “Keimi cu namät ah si la sa ah kami kyak ci.

1 SAMUEL 17:58

Saul naw, “Chang nong, a u ah ning hta ang?” ani naw, “Kei cu Bethlehem ah ka na changshäm Jesse ah na hta nei” cine David naw m’shang ci.

ATÜNNAK 47:29

Asih nak vai ng’et law khäta, a hta Joseph cu khü neta ang thu püi cu, “Ka phei goi ah ng’lak ung na kut k’thoi neta, “Egypt khaw ung kä ka ning m’ciim khai nei” cine thukhän aküi na bi vai.

ATÜNNAK 47:30

Kapa gui ah ng’cim nak ung ka ng’cim hlük ci, Egypt khaw ungka na hteh püi ba ne, ngami ah ng’cim nak ung na na m’cim vai nei” cik ci. Joseph naw, “Na pyen ah ka bik khai nei” cik ci.

SUKI GUI 8:32

Joash ah hta Kideon cu ghi law neta sik ci, ani cu Abiezer pahta gawnu, Ophrah ung apa Joash ah phuh hmun ung phuh ci gui.

2 SAMUEL 2:31

David ah chang gui naw Abner ah chang gui Benjamin pakhui 360 ngawn ci gui.