2 SAMUEL 2:26 - Cho Bible Common Language 2016

²⁶ Abner naw Joab cu khü ne, “Mikmi angtäi sei mi ng’tuk khai ma? Ak hnu ah a i phi a bä nak kä om khai, a khaa nak va om khai, cicu kä nami hmu ne ma? Keimi cu nami khaw-chang ah kami kyak ci. Na chang gui naw kä na gawt ba gui khai ah na k’bäi nak vai a i güt lüng ba khai ang?” cik ci.

2 SAMUEL 2:26 Referans Kwoze

JEREMIAH 46:14

“Shin cu Egypt gawnu gui, mikdola, Memphis, la Tahpanhes ung ng’shäu vä: “Nami mät naw nami shung vong ge khai ah om vä; Nangmi ung om ci avan ng’tuk nak ung di khai nei!

LAMKTU 7:26

Angawi ung Israel chang gawi ng’tuh ni sei hmuh gawi netah, Moses naw, “Nang ni cu ng’phäi nau gawi ah kiah netah a i vai na ni ng’tuk ang” ci neh m’chah gawi ci.

JEREMIAH 46:10

Shin cu m’gäi ciah uktu Bawipa ah hnüüp ah kyak ci nei; tuh ngawi ani naw phu tuk khai; tuh ngawi ani naw aga gui m’kyuk khai nei. Ani ah khimsen naw abe güt ung ei gui khai, a kyä güt ah ami si aw gui khai nei. Tuh ngawi m’gäi ci naw a ghuh ng’tha nak vai awn khawihnah ci nei. Asiip täng Euphratis ung ah kyak ci nei.

HOSEA 11:6

Ng’tuk nak naw ami mang gaw gui cu pheet gui khai. Mang gaw m’kawt gui ng’gäi ci gui, ka chang gui cu acun naw m’di gui khai. A i ah sei ci ung ami mät naw nipi khai amki ngaih ah ami bi ah phäh ah kyak ci.

JEREMIAH 12:12

Chang gui naw bung hmu khogui avan kan law u ne, gut tep khai gui ah lawk ci gui nei. Khaw avan m’di khai ah ng’tuk nak cu kei naw ka tüi lawk ci nei, a u phi dimdeeih sei kä om khai nei.

JEREMIAH 4:21

Kei naw a i güt ami ng’tuk ka hmuk khai ang, phyungheng gui ah ng’gin a i güt ka ng’yak khai ang?

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

ISAIAH 1:20

Cun ung phi kei nami na lan ah akyak ung, nami khawmü sei nami sik khai. Kei, Bawipa naw ka pyen nei.”

NG'THU K'THUUK~ 17:14

Ng’vook shan nak ah ng’tun nak cu tuikbum a pawk hlü ah maih ah kyak ci. Ak dam ah ka ng’vook pha ung cun cu nawng vai.

SAM 4:2

Ngami chang gui, a i güt kei nami na shukchak khai ang? A i güt a phu kaa cu m’hni ne, hleei hlak nak cu nami shui khai ang?

2 SAMUEL 11:25

David naw chang tüih am, “Joab a k’thamah vai, kä am lung k’si en vai ah na m’thein vai, ng’tuk nak ung a u sik khai cicu tuh güt ung kä nami pyen hning ci. Na m’thein ba vai, khüi ghat pi ne mang gaw nami tuk vai, nami khäm vai” cine m’cäi ci.

2 SAMUEL 2:16

A chang sing naw ami tuk püi cu a lu ung ven ne, a vei ung ami khim awn tawk ci gui. Cun ah kyasei chang m’ku lei-phli kyu u ne ami van a täng ah sik ci gui. Cun ah kyasei Kibeon hmun cu “Khim gui ah Khaw” ah sui ci goi.

2 SAMUEL 2:14

Abner naw Joab am, “Mi ng’tuk nak püi gui vai ah vang goi vei ungka, chang nong gui mi la gui khai nei” cik ci. Joab naw, “Aw, bä khai nei” cik ci.

2 SAMUEL 2:25

Benjamin pakhui ungka, chang gui naw Abner cu khaai ba mä u neta, m’htung lai ah ami ng’mah nak pyan ne om ci gui.

2 SAMUEL 2:27

Joab naw, “Kei cu ghing ciah Khanpughi awn ka ng’tam ci nei. Nang naw thu kä na pyen ah akiak vai sü ung ka chang gui naw ngawi ung kho ngawi güt ning k’täm gui khai sü te nei,” cik ci.