2 SAMUEL 2:18 - Cho Bible Common Language 2016

¹⁸ A cu ah om ci gui ah Zeruiah ah hta thum cu: Joab, Abishai la Asahela ah kyak ci. Asahela, kigang ah mäih ah dawng m’khüt ci naw,

2 SAMUEL 2:18 Referans Kwoze

1 SHONTÄP NAK 12:8

Shin gui cu Kad pakhui ungka mingthang ne hmumhat ciah gakap gui. David cu bungpuk mangpang ung a om yah ung David ah gakap ung ng’dawn lawk ci gui ah kyak ci. Ngami cu shawi la k’htei bi nak ung bi thei aih u ne, phawngkawng ah mäih ah kyih vai kya u ne, kigang ah mäih ah patyaang ci gui.

HABAKKUK 3:19

Uktu Bawipa naw thagui na pek ci. Kigang ah mäih ah ka khaw na yaang sak ci. Khomhtung gui ah khan ah k’pang ne nak phyawn ci.

SOLOMON NG’Ä~ 8:14

Ka m’hni aw, kigang hta ah mäih ah kei ah law ä; Sing ui gui ah thawh nak ah m’htung ungka kigang nong ah mäih ah law ä.

SOLOMON NG’Ä~ 2:17

cun cu kho ngawi hta khaw a pyü güt, khaw hmüp ang kawn güt ah kyak ci. Kei ah m’hni aw, kigang nu ah mäih ah ng’hlat law ba ä, Bether khomhtung ung kigang nong ah mäih ah law ba ä.

SAM 18:33

Ka khaw cu kigang ah khaw ah mäih ah na yaang sak ne, m’htung lai ah phawng ne na ng’düih sak ci.

AMOS 2:14

Dawng ah gai ci gui phi kä phyawng khai gui, chang thamah gui phi ami ktha maih khai, gakap gui naw phi ami mät ah hnun gui kä hun hlawt khai gui.

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

1 SHONTÄP NAK 11:26

Cun kawn ah phi m’gäi ciah gakap gui om ci gui: Asahela, Joab ah nau. Elhanan, Dodo ah hta Bethlehem ungka Shammoth, Harod ungka Helez, Pelet ungka Ira, Ikkes ah hta Tekoa ungka Abiezer, Anathoth ungka Subbekai Hushah ungka Ilai, Ahoh ungka Maharani, Netophah ungka Heled, Baanah ah hta, Netophah ungka Ithai, Ribai ah hta, Benjamin khaw Kibeah ungka Benaiah, Pirathon ungka Hurai, Kaash ah pei kho ng’nawi ungka Abiel, Arbah ungka Azmaveth, Bahurum ungka Eliahba, Shaalbon ungka Hashem, Kizon ungka Jonathan, Shekee ah hta, Harar ungka Ahiam, Sukhara ah hta, Harar ungka Eliphala, Ura ah hta Hephera, Mekerah ungka Ahijah, Pelon ungka Hezro, Karmelaa ungka Naarai, Ezbai ah hta, Joela, Nathan ah nau Mibhar, Hakri ah hta Zelek, Ammon ungka Naharai, Joab ah likhtei kawt ci, Beeroth ungka Ira la Gareb, Jattir ah ungka goi Uriah, Hittit chang Zabad, Ahlai ah hta Adina, Shiza ah hta (Reuben pakhui ungka, amät ah gakap thumkip awn lam ma ci.) Hanan, Maakah ah hta Joshaphat, Mithan ah ka Uzzia, Ashterah ah ka Shamma la Jeiela, Hotham ah hta goi, Aroer ah ka goi Jedinela la Joha, Shimri ah hta goi, Tiz ah ka goi Eliela, Mahavah ah ka Jeribai la Joshaviah, Elnaam Ithmah, Moab ah ka Eliela, Obed, la Jaasiela, Zobah ah ka.

2 SAMUEL 1:23

Saul la Jonathan cu cäi vai ah ng’khawt ni ne; a täng ah ghing ne, a täng ah sik ci goi; Ngani cu ghui langta ah yangkhai pi ne, phongkawng ah gai pi ci goi.

1 SAMUEL 26:6

David naw Hittite chang Ahimelek la Abishai, Joab ah a phäi (ani cu Zeruiah) cu khü goi ne, “Nang ni ung ka a u ang Saul ah phung ah kei awn a täng ah a hteh tu kaw?” cik ci. Abishai naw, “Ä, ka hteit tuk khai” cik ci.

2 SAMUEL 2:19

Abner cu gawt lawk ci, ak ghuih ah dawng lawk ci.

2 SAMUEL 22:34

Ani naw ka khaw cu kigang ah khaw ah mäih ah na yaang sak ne; m’htung gui ah khan ah, na k’phyawn ci.

2 SAMUEL 23:24

“Thum Kip” ungka gui cu: Asahela, Joab ah nau Elhanan, Dodo ah hta, Bethlehem ungka Shammah la Elika, Harod ungka goi Helez, Pelet ungka Ira, Ikkesh ah hta, Tekoa ungka Abiezer, Anathoth ungka Mebunnai, Hushah ungka Zalmon, Ahoh ungka Maharai, Netophah ungka Heleb, Baanah ah hta, Netophah ungka Ittai, Ribai ah hta, Benjamin khaw Gibeah ungka Benaiah, Pirathon ungka Hiddai, Gaash pei khaw nawi ungka Abialbon, Arabah ungka Azmaveth, Bahurim ungka Eliahba, Shaalbon ungka Jashen ah hta gui ungka Jonathan Shammah, Harar ungka Ahiam, Sharar ah hta, Harar ungka Eliphelet, Ahasbai ah hta, Maacah ungka Eliam, Ahithophela ah hta, Gilo ungka Hezro, Karmelaah ungka Paarai, Arab ungka Igal, Nathan ah hta, Zobah ungka Bani, Gad ungka Zelek, Ammon ungka Naharai, Beeroth ungka, Joab ah awi bah kawt ci Ira la Gareb, Jattir ungka goi Uriah, Hittit chang. Mingthang ciah gakap avan thum-kip lei-chih lawk ci gui.

1 GHANGPUGHANG GUI 2:5

“A i baw om ba mä ci. Na shüm ba khai, Israel gabawi goi Ner ah hta Abner la Jether ah hta Amasa cu Joab naw ngawn goi ne kei ah khan ah bi bik ci. Ng’tuk yah ung ami ngawn tu ah phäh ah dimdeeih yah ung phu tu ne a ngawn gui cu nang naw na shüm ba ci. Ani naw chang ni gui ngawn gui ci, tuhbäi kei naw ani bi cu ka chaw nak ci, acun ah mawng cu kei naw ka yaica nak ci.

2 SAMUEL 14:1

Joab naw ghangpughang David cu Absalom täng ah aktung ah ng’hlat lawk ciah hmat neta,

1 SHONTÄP NAK 12:9

Ngami ah ami bawi ah ciah ami ming gui cu: Ezera, Obadiah, eliab, Mishmannah, Jeremiah, Attai, Eliela, Johanan, Elzaba, Jeremiah, la Machbannai.