2 SAMUEL 2:13 - Cho Bible Common Language 2016

¹³ Zeruiah nu nak ciah Joab la David ah bawi gui naw ngami cu tuibüm pei ah hmu gui ci gui, ngami ami van ngok ci gui, amshah cu tuibüm ah vangtäng ah ngo sei, amshah cu vangtäng ah ngok ci gui.

2 SAMUEL 2:13 Referans Kwoze

1 SHONTÄP NAK 2:16

Ani ung a hta hnumi hnih phi om ci, Zeruiah la Abigail. Jesse ah hta hnumi Zeruiah ung a hta thum om ci: Abishai, Joab la Asahela.

2 SAMUEL 8:16

Zeruiah nu nak ciah Joab cu gakap ah gabawi ah kyak ci; Ahilud ah hta Johoshaphat cu yung bawi ah kyak ci;

JEREMIAH 41:12

ami chang gui awn a hnu ah läk law u ne kibeon ung tui k’büm nu pei ah k’pha ci gui.

1 SHONTÄP NAK 11:6

David naw pyen ci, “Jebusit chang tumat mat ngawn law ma cicu gakap bawi ah kyak khai! Zeruiah nu nak ciah Joab naw ng’tuk nak ung ma tawn ne, ani cu gakap bawi ah kya lawk ci.

1 GHANGPUGHANG GUI 1:7

Ani naw Joab (anu cu Zeruiah) la taigü Abiatha cu niipüi goi sei, ngani naw ng’düih püi vai ah yum ci goi.

2 SAMUEL 20:23

Joab cu Israel gakap ah gabawi ah kyak ci; Jehoiada ah hta Benaiah cu David ngäng ci gui ah bawi ah kyak ci.

2 SAMUEL 2:18

A cu ah om ci gui ah Zeruiah ah hta thum cu: Joab, Abishai la Asahela ah kyak ci. Asahela, kigang ah mäih ah dawng m’khüt ci naw,

2 SAMUEL 20:8

Gibeon ung lung song nu pei ah gawk law neta, Amasa awn ng’hmuk ci gui. Joab cu ng’tuk nak sui sui ci. Akhei pat ung khim käp mah khim bun ci. Malam ung a hteh yah ung a khim kya lawk ci.

1 GHANGPUGHANG GUI 2:5

“A i baw om ba mä ci. Na shüm ba khai, Israel gabawi goi Ner ah hta Abner la Jether ah hta Amasa cu Joab naw ngawn goi ne kei ah khan ah bi bik ci. Ng’tuk yah ung ami ngawn tu ah phäh ah dimdeeih yah ung phu tu ne a ngawn gui cu nang naw na shüm ba ci. Ani naw chang ni gui ngawn gui ci, tuhbäi kei naw ani bi cu ka chaw nak ci, acun ah mawng cu kei naw ka yaica nak ci.

1 SAMUEL 26:6

David naw Hittite chang Ahimelek la Abishai, Joab ah a phäi (ani cu Zeruiah) cu khü goi ne, “Nang ni ung ka a u ang Saul ah phung ah kei awn a täng ah a hteh tu kaw?” cik ci. Abishai naw, “Ä, ka hteit tuk khai” cik ci.

2 SAMUEL 23:24

“Thum Kip” ungka gui cu: Asahela, Joab ah nau Elhanan, Dodo ah hta, Bethlehem ungka Shammah la Elika, Harod ungka goi Helez, Pelet ungka Ira, Ikkesh ah hta, Tekoa ungka Abiezer, Anathoth ungka Mebunnai, Hushah ungka Zalmon, Ahoh ungka Maharai, Netophah ungka Heleb, Baanah ah hta, Netophah ungka Ittai, Ribai ah hta, Benjamin khaw Gibeah ungka Benaiah, Pirathon ungka Hiddai, Gaash pei khaw nawi ungka Abialbon, Arabah ungka Azmaveth, Bahurim ungka Eliahba, Shaalbon ungka Jashen ah hta gui ungka Jonathan Shammah, Harar ungka Ahiam, Sharar ah hta, Harar ungka Eliphelet, Ahasbai ah hta, Maacah ungka Eliam, Ahithophela ah hta, Gilo ungka Hezro, Karmelaah ungka Paarai, Arab ungka Igal, Nathan ah hta, Zobah ungka Bani, Gad ungka Zelek, Ammon ungka Naharai, Beeroth ungka, Joab ah awi bah kawt ci Ira la Gareb, Jattir ungka goi Uriah, Hittit chang. Mingthang ciah gakap avan thum-kip lei-chih lawk ci gui.