2 SAMUEL 2:1 - Cho Bible Common Language 2016

¹ Cun kawn ah David naw Bawipa ah ma ah, “Kei naw hteit ne Judah gawnu tumat mat la ne ka k’pan vai ang?” cik ci. Bawipa naw, “Ä” cik ci. David naw, “A hawn ah gawnu ang?” cik ci. Bawipa naw, “Hebron” cik ci.

2 SAMUEL 2:1 Referans Kwoze

1 SAMUEL 30:31

la Hebron gawnu gui ung chang gui. Ani naw avan ung m’khäh gui ci.

1 SAMUEL 23:2

“Hteit ne, Philistin gui ka tu gui vai ang?” cine Bawipa cu ng’shi ci. Bawipa naw, “Ä, ngami tu gui ne, keilah cu gung ä” cik ci.

1 SAMUEL 23:4

Cun ah kyasei David naw Bawipa ng’shi ba ci, Bawipa naw ani am, “Hteit ne keilah na tuk vai, Philistin gui ah khan ah näng nak vai kei naw ka ning pek khai” cik ci.

ATÜNNAK 32:2

Ani naw cun ah hmu gui neta, “Shin cu Khanpughi ah khaw phung nei” cik ci. Cun ah kyasei cun ah hmun cu Mahanaim ah pyen ci gui.

EZEKIEL 36:37

Uktu Bawipa naw pyen ci, “Kei naw Israel gui cu ka m’htei htang gui vai ah ka k’thäh ba sak gui mä khai, kei naw ngami cu htome bum ah mäih ah ka dämda sak gui khai.

SAM 143:8

Nang ung ka zumhtek vai ah hmawk ah kho ngawi tä sei, ng’täi ciah na m’hni nak cu na m’thein ä. Ka taigü nak cu nang ah gawk ci nei; ka hteh nak vai ah lam cu na m’hnuh ä.

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

1 SHONTÄP NAK 29:7

Täigüim ung bii bi nak vai ah ami mät ah ngaih ah pek vai ah k’äi ci gui: ghui 170 ton ah däm ci, ngui 340 ton ah däm ci, däm ciah kyak ci.

1 GHANGPUGHANG GUI 2:11

Ani cu khokum phli kip ung Israel ghangpughang ah kyak ci, Hebron ung kum chih, Jerusalem ung kum thum kip lei thum uk ci.

2 SAMUEL 15:7

Kum phli a lüng kawn ah Absalom naw ghangpughang David am, “Bawi aw, Hebron ah na hteh sak ä, ka shai tak cu k’pang ne, Bawipa ung ka bik khai nei.

2 SAMUEL 5:23

Hnü ät ung David naw Bawipa ng’shi thäh ba ci, Bawipa naw, “Shin ungka naw kä na tuk en gui vai, cun ung phi hteit ne khaai gawi neta, a hei lam täng, kian shing gui ah pei ungka naw tuk gui ge vai ah nami om vai.

2 SAMUEL 5:19

David naw Bawipa ng’shi ne, “Philistin gui ka tuk gui vai aw? Näng nak na na pek khai aw?” cik ci. Bawipa naw, “Ä, na tuk gui vai nei, kei naw näng nak ka ning pek khai nei” cik ci.

2 SAMUEL 2:11

Ani naw Hebron ung om ne khokum chih la amcawt Judah ung uk ci.

SUKI GUI 1:1

Joshua asih kawn ah Israel chang gui naw Bawipa cu ng’shi u ne, “A u keimi pakhui naw hteit ma ne Kanaanit gui cu tu gui khai ang?”

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

KHEI NAK 13:22

Ngami cu ak htük bäih ah khaw ah a htumtäng ung hteit u ne, Hebron ung hteit ci gui. Cun ung Ahiman, Shemshai, la Talmai pahta gui, chang dämcham gui Anakim pakhui ah ami ng’shon gui om ci gui. (Hebron gawnu cu Egypt khaw Zoan gawnu kä ami cawh pha kum chih ung ami cawh pyi ah kyak ci.)

ATÜNNAK 13:18

Abram cu a phung gui k’plon ne, theing ciah Mamre sing ghing hmu ah pei ah ng’lei leh ci. A cu ah ani naw Bawipa ah khawih kiang co ci.

JOSHUA 15:13

Bawipa naw Joshua am ang thumkhän ah mäih ah Judah khopäng ah avang cu Judah pakhui, Jephunneh ah hta Kaleb am pek ci gui. Ani naw Hebron cu gah ci, Cun cu Anah ah apa Arba ah khäm ah mang gaw ah kyak ci.

1 SAMUEL 10:22

Bawipa cu ng’shik ci gui, “A hei chang kä om ba ne ma?” Bawipa naw, “Saul cu ca om ci, i baw gui ah hnu ah ng’thup ci nei” cik ci.

2 SHONTÄP NAK 11:10

Zorah, Aijalon, la Hebron.