2 SAMUEL 19:9 - Cho Bible Common Language 2016

⁹ Khaw avan ung tün ne ami mät gui ng’vaw ng’shang ci gui. Ngami ami mät gui ng’htau u ne, “Ghangpughang David naw mi ga gui ungka na hun gui ci, Ani naw Philistin gui ah kut ungka na gung gui ci, cun ung phi tuhbäi Absalom kyih ne dawng ne mi khaw nawng shüt ci nei.

2 SAMUEL 19:9 Referans Kwoze

2 SAMUEL 15:14

Cun ah kyasei David naw Jerusalem ung om ciah a bawi gui avan am, “Mikmi cu Absalom ah kut ung mi phyawn hlü ung ang ghit ah mi dawng khai nei! Yaang vä! Kä cun ung ani ang ghit ah gawk law ne, na hnim gui ne, mang gaw ung chang nü ngawn khai nei!” cik ci.

2 SAMUEL 5:20

Cun ah kyasei David cu Baala Perazim ah hteit ne Philistin gui cu hnim gui ci. Ani naw, “Bawipa naw ka ga gui cu tui ng’güt ah mäih ah m’di gui ci nei” cik ci. Cun ah kyasei cun ah hmun cu “Baala Perazim” ah ami sui ah kyak ci.

1 SAMUEL 19:5

Ani naw a hnun gui pe ne Koliath cu ngawn ci, Bawipa naw Israel gui ah phäh ah dämduh ciah näng nak bik ci. Acun na hmuh ung, na yei khai nei. Tuhbäi a i ah kyasei chang ni ah khan ah a hma na bi hlü ang, a mawng kä om ciah David na ngawn hlü ang?”

1 SAMUEL 18:25

cun kawn ah Saul naw David am ami m’thein ba vai ah ak bäi ba gui cu, “Nang naw na pek vai ah m’cümhnah nak ghangpughang naw ang yak hlü avan cu, Philistin changsi phia ah yang m’dawng gui ah kyak ci, cun cu a ga gui ung phu a tuknak ah kyak ci.” (Cun cu Philistin gui naw David ami ngawn vai ah Saul naw abi ah kyak ci.)

1 SAMUEL 17:50

Cun ah David naw Koliath cu khim kä bi ah yaili la lung awn hnim ne ngawn ci!

PHYAWN NAK 32:24

Kei naw ami awi naak ah ghui gui cu ami law püi vai ah pyen ngä sei, ngami naw suut ne law püi ci gui. Cun ah awi naak gui cu kei naw mei ung shum ngä sei shin ah vantang gup ah kya lawk ci” cik ci.

2 SAMUEL 19:10

Mikmi naw Absalom cu mi ghangpughang ah mi hmoh ci nei, cun ung phi ani naw ng’tuk nak ung ngawn ci nei. A i ah kyasei Ghangpughang David cu chang gui naw tha na ne ami law püi ba ang?” cik ci gui nei.

2 SAMUEL 19:40

Judah chang avan la Israel chang amshah naw ngäng m’htei u sei, ghangpughang naw tui hei kat ci. Ani cu Gilgal ah hteit sei, chimham phi hteit tuk ci.

2 SAMUEL 22:44

Kei na ng’tuk püi ciah chang gui ungka, na na k’phyawn ci. Chang pakhui gui ah khan ah ka uknak na gawk sak ci. Kei naw kä ka hmat gui ah chang gui phi, tuhbäi ka chang ah kya lawk ci gui.

SAM 18:43

Na ng’küüt neet püi ciah chang gui ung na na hun ci; Pakhui päng ka uk khai ah na na pyang ci. Kä ka hmat man ah chang phi ka chang ah kya ci.

2 SAMUEL 18:17

Ngami naw Absalom ah pum cu la u neta, bung hmu ah ak thuk ah khui ci ung yuk chak ci gui, ak khan ah lung gui akawm awn adäm ah yuk pum shi ci gui. Israel chang gui ami van cu ami im phäh phäh ah dawng ba ci gui.