2 SAMUEL 19:5 - Cho Bible Common Language 2016

⁵ Joab naw ghangpughang ah im ah hteit neta ani am a pyen nak cu, “Tuh ngawi nang na chang gui cu na ng’a sak gui ci — na hnun ning hun ci gui, na htapami gui, na hta hnumi gui, na chu gui la na chu bawk gui ah hnun hun ci gui ah chang gui.

2 SAMUEL 19:5 Referans Kwoze

SAM 3:8

Näng nak cu Bawipa ungka lawk ci nei. Ani naw a chang gui cu hrilham pe gui sä.

NEHEMIAH 9:27

cun ah kyasei ngami cu ami ga gui am näng sak gui ne na uk sak gui ci. Ngami ami khüikha yah ung na m’htei gui vai ah ning thäh u sei, Khankho ah ka naw na m’shang gui ci. Dämduh ciah na chimgein nak awn ami ga ung gung gui khai ah angvai gui cu na tüih pe gui ci.

2 SAMUEL 3:39

Kei cu Khanpughi naw a ghü ah ghangpughang ah ka kyak ung phi, tuh ngawi ka tha ken ci nei. Shin ah Zeruiah ah hta gui cu kei ah phäh ah ta, m’gäi m’cik aih ci gui nei. Shin ah chang chei yeeih gui cu ami katnak ah ciah Bawipa naw m’kyuk gui sä” cik ci.

2 SAMUEL 19:4

Ghangpughang cu a hmai shung neta kyap ne m’lau ci, “O ka hta! Ka hta Absalom! Absalom, ka hta!”

2 SAMUEL 19:6

Ning m’hni ci hnu ng’tuk püi ne, ning gen ci na k’cang nak ci! Na bawi gui la na chang gui cu nang ah khan ah a i ah kä mawng ci gui ah na pyang pyi ci nei. Keimi kami van si u ne, Absalom a ghin vai sü ung nang ang htei ah na yei khai sü ah kei naw ka hmuk ci nei.

2 SAMUEL 19:13

David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

2 SAMUEL 15:30

David cu Olive M’htung ah hang kai ne, thüi kyap ne, a pha hnak sut ne, thüi m’dang nak ah a lu shung ci. Ani läk ciah chang ami van phi ami lu shung ne thüi kyap ci gui.

2 SAMUEL 18:17

Ngami naw Absalom ah pum cu la u neta, bung hmu ah ak thuk ah khui ci ung yuk chak ci gui, ak khan ah lung gui akawm awn adäm ah yuk pum shi ci gui. Israel chang gui ami van cu ami im phäh phäh ah dawng ba ci gui.