2 SAMUEL 19:30 - Cho Bible Common Language 2016

³⁰ Mephibosheth naw, “Ziba naw avan la sä, nang bawi mang phyawng ne im ah na gawk law ba cu kei ah phäh ah bä ci nei” cik ci.

2 SAMUEL 19:30 Referans Kwoze

PHILIPPIAN 1:20

Kei naw ak tung ah ka ng’yak hlü la ka ngaih u nak cu, kei naw a i yah ung phi ka bi mawng cu kä ka nawng khai, a i khin ung phi, a tuhbäi chü phi, kei cu khüighaat nak awn be ne, ka sih ung phi, ka ghin ung phi, ka ghin nak avan awn Bawi Khrit kam taamkhah khai, ciah kyak ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

2 SAMUEL 1:26

“Nang ah phäh ah ka thüi ci nei, ka phäi Jonathan; Nang naw a i hlawk ah na na m’hni ci ang? Nang ah na m’hni cu i hlawk ah cäi vai ah kyak ci ang, Cun cu hnumi ah m’hni ah ta bä pi ci nei.

2 SAMUEL 19:29

Ghangpughang naw, “Nang ung a i phi na pyen ba vai kä om ci. Saul ah khawh cham cu nang la Ziba naw nani ng’pai vai ah kei naw ka k’bäi pyi ci nei” cik ci.

2 SAMUEL 19:31

Gilead ah ka Barzillai cu Regelim ungka law ne, ghangpughang naw Jordan tuinu ak kah yah ung ngäng m’htei tuk ci.

2 SAMUEL 9:9

Cun kawn ah ghangpughang naw Saul ah changshäm Ziba cu khü neta, “Kei naw na bawi ah tu Mephibosheth am Saul la akyongchang ah ka te phung avan ka pek ci nei.

2 SAMUEL 19:18

Ngami cu tuinu kat u ne, bawi mang gui naw ami kah yah ung m’htei gui ci gui, cun kawn ah ghangpughang ah ang yak hlü phung cu bi pek ci gui. Ghangpughang cu tui kat ge khai ah kya khäta Shimei cu ghangpughang ah ma ah ng’phäi ne kawp neta