2 SAMUEL 19:21 - Cho Bible Common Language 2016

²¹ Zeruiah ah hta Abishai naw thu pyen ne, “Shimei cu sih nak pek vai kyak ci nei, a i ah kyasei ci ung, ani cu Bawipa naw ghangpughang ah a ghü ah chang a plah tam ah phäh ah kyak ci” cik ci.

2 SAMUEL 19:21 Referans Kwoze

PHYAWN NAK 22:28

“Khanpughi ah mawng akshe ah kä nami pyen vai. Nami chang gui ah bawi ng’vai kä nami plah taam vai.

1 SAMUEL 26:9

Cun ung phi David naw, “Nang naw ani kä na hnim vai! A ghü ah ghangpughang hnim cicu Khanpughi naw akcang ah m’kyuk ci.

2 SAMUEL 16:13

Cun ah kyasei David la a chang gui cu lam ung k’täi ne hteit ci gui. Shimei phi ngami awn a täng ah hteit ci, m’htung peem lam ung hteit ci; ani naw ng’plah gäk gäk ne, hteit ne, lungni m’dek ni awn vawi gui ci.

2 SAMUEL 16:5

David cu Bahurim ung gawk khäta, Saul ah mätyah ah kyak ciah Rera ah hta Shimei naw law ne hmu lawk ci. Ani cu alaw vai am nawm shai lawk ci.

1 SAMUEL 24:6

ani naw ak chang gui am, “Bawipa naw ka bawi ah khan ah nat nak kä ka bi vai ah na k’pang ci, ani cu Bawipa naw ghangpughang ah a ghü ah kyak ci! Kei naw ani api ah phi kä ka nat sak khai, ani cu Bawipa naw a ghü ah ghangpughang ah kyak ci!”

2 SAMUEL 16:9

Abishai, Zeruiah nu nak ci naw, “Ka bawi mang, a i ah kyasei shin ah ui naw a ning shai nak ang? Kei naw hteit ne alu ka m’chün khai nei!” cik ci.

SAM 84:9

O Khanpughi, na ghü ah ghangpughang, kami ghangpughang cu hriham pe ä.

NG’ÄI KYAH 4:20

Ngami naw mi ghin nak ah a phung cu khäm ci gui. Bawipa naw aghü ah ghangpughang, ani cu na tu law gui phung ung na shungvong gui khai ah mi ng’ap nak ah kyak ci.