2 SAMUEL 19:13 - Cho Bible Common Language 2016

¹³ David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

2 SAMUEL 19:13 Referans Kwoze

2 SAMUEL 17:25

(Absalom naw Amasa cu Joab ah hnün ung gakap bawi ah tha ci. Amasa cu Ishmaelit chang Jether ah a hta ah kyak ci; anu cu Abigail, Nahash ah hta, Joab ah nu Zeruiah ah nau ah kyak ci.)

1 GHANGPUGHANG GUI 19:2

Ani naw Elijah am ng’thu m’khäh ci: “Prophet gui ah khan ah na bi ah mäih ah ngawi ung a shin ah khin ung kei naw nang ah khan ah kä ka bi ah a kyak ung khanpughi gui naw ka sik khai ah na ci u sä.”

2 SAMUEL 8:16

Zeruiah nu nak ciah Joab cu gakap ah gabawi ah kyak ci; Ahilud ah hta Johoshaphat cu yung bawi ah kyak ci;

RUT 1:17

Na sih nak ah ka si tuk khai aw ah ka ng’cim khai. Sih nak ah kawn ah a hei a mawng awn nang ka ning pai püi ah a kyak ung, kei cu Bawipa naw akshe pi k’bäih ah na m’kyuk sä” cik ci.

1 SHONTÄP NAK 12:18

Khanpughi ah mümcha naw ngami ungka tumat, Amasai, “Thumkip” ah gabawi ah kya lawk khai cu k’pang khäta, ani cu m’lau ne, “Jesse ah hta David, keimi cu nang ah na chang gui nei! Nang la nang ning bawm ci gui cu näng nak om sä! Khanpughi cu nang täng ah om ci nei! cik ci. David naw ngami cu dou gui ne, gakap ung angvai gui ah tha gui ci.

2 SAMUEL 18:11

Joab naw, “Na hmuh ah a kyak ung a i ah kyasei a cun ung kä na ngawn ang? Kei ka mät naw ngui phe gha la khei pat ka ning pek khai süte ne” cik ci.

ATÜNNAK 29:14

Laban naw, “Nang cu akcang ah kasi, kasa ah na kyak ci nei” cik ci. Jakob cu cha ät lung ne om law tuk ci.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

2 SAMUEL 5:1

Cun kawn ah Israel pakhui ami van David ah om nak Hebron ah law neta ng’thu ami pyen cu, “Keimi cu namät ah si la sa ah kami kyak ci.

2 SAMUEL 20:4

Ghangpughang naw Amasa am, “Judah chang gui khü ne m’cut gui ne, ci tuh hnüüp a shin ung na law püi vai” cik ci.