2 SAMUEL 19:10 - Cho Bible Common Language 2016

¹⁰ Mikmi naw Absalom cu mi ghangpughang ah mi hmoh ci nei, cun ung phi ani naw ng’tuk nak ung ngawn ci nei. A i ah kyasei Ghangpughang David cu chang gui naw tha na ne ami law püi ba ang?” cik ci gui nei.

2 SAMUEL 19:10 Referans Kwoze

HOSEA 8:4

“Ka chang gui naw ghangpughang cu ghü ci gui, Cun ung phi cun ah khan ah ami mät ah ng’yak hlü ah bik ci gui. Ngami naw ami ng’vai gui cu m’düih ci gui, Cun ung phi kei ah yum nak kä om ci. Ngami naw ami ngui, ami ghui la ne agup gui pyang ci gui — cun cu ami mät ah di nak vai ah kyak ci.

2 SAMUEL 18:14

Joab naw, “Nang awn akhin kä ka ng’pyi sak khai nei” cik ci. Ani naw htei thum la neta, oak sing ghing ung ng’bat ne ghing yah ciah Absalom ah ng’kyang ung ng’täih khai ah shun ci.

SUKI GUI 18:9

Ngami naw, “Law vä, Laish mi tuk khai nei. Cun ah khaw cu kami hmuk ci, ang htei ah nik ci nei. A i kä bi ne shin ung kä om vä; yang law vä! hteit ne mi lak khai nei!

2 SAMUEL 19:9

Khaw avan ung tün ne ami mät gui ng’vaw ng’shang ci gui. Ngami ami mät gui ng’htau u ne, “Ghangpughang David naw mi ga gui ungka na hun gui ci, Ani naw Philistin gui ah kut ungka na gung gui ci, cun ung phi tuhbäi Absalom kyih ne dawng ne mi khaw nawng shüt ci nei.

2 SAMUEL 19:11

Israel chang gui ah ng’htau ah ng’thu cu ghangpughang David ung gawk ba ci. Cun ah kyasei ani naw taigü goi Zadok la Abiathar cu tüi goi ne Judah ng’vai gui cu ng’shi sak gui ci, “A i ah kyasei ghangpughang a mang im ung tha ba nak ung kugam tu vai ah nami shokshü ang?

2 SAMUEL 19:40

Judah chang avan la Israel chang amshah naw ngäng m’htei u sei, ghangpughang naw tui hei kat ci. Ani cu Gilgal ah hteit sei, chimham phi hteit tuk ci.

2 SAMUEL 15:14

Cun ah kyasei David naw Jerusalem ung om ciah a bawi gui avan am, “Mikmi cu Absalom ah kut ung mi phyawn hlü ung ang ghit ah mi dawng khai nei! Yaang vä! Kä cun ung ani ang ghit ah gawk law ne, na hnim gui ne, mang gaw ung chang nü ngawn khai nei!” cik ci.

2 SAMUEL 15:16

Cun ah kyasei ghangpughang cu a kyongchang gui avan la a bawi gui awn dawng ci gui. Mang im m’htei khai ah a chutuba hnumi gha bä nawng shüt ci.