2 SAMUEL 19:1 - Cho Bible Common Language 2016

¹ Absalom ah phäh ah David thüi ne akyah ah mawng cu Joab am m’thein ci gui.

2 SAMUEL 19:1 Referans Kwoze

2 SAMUEL 18:14

Joab naw, “Nang awn akhin kä ka ng’pyi sak khai nei” cik ci. Ani naw htei thum la neta, oak sing ghing ung ng’bat ne ghing yah ciah Absalom ah ng’kyang ung ng’täih khai ah shun ci.

2 SAMUEL 18:5

Ani naw khän ne m’cäi gui ci, Joab ni, Absalom ni, Ittai ni gui cu, “Kei ah phäh ah chang nong Absalom cu kä nami ngawn vai nei.” Cun ah a bawi gui David naw am cäi gui cu gakap avan naw ng’yak ci gui.

NG'THU K'THUUK~ 17:25

Gu ang ciah hta naw apa m’thui ne anu geinvai sak ci.

2 SAMUEL 18:33

Ghangpughang cu ang htei ah thüi ci. Ani cu m’kawt ah khan, akhan ung hang kai neta thüi ci. Ani thüi ne akyah cu, “O Ka hta! Ka hta Absalom! Absalom ka hta! Nang ah hnün ung kei vah ka sik khai sü, ka hta! Absalom ka hta!”

2 SAMUEL 18:20

Joab naw, “Ka, tuh ngawi nang naw a i ng’thu ni phi kä na hteh püi vai. A hnüüp hei ung na bi hning ci, tuh ngawi cu ghangpughang ah hta ah sih nak hnüüp ah kyak ci” cik ci.

2 SAMUEL 18:12

Cun ung phi cun ah chang naw, “Nang naw ngui phia gha na na pek ung phi, kei naw ghangpughang ah hta ah kutpyün phi kä ka tawn khai nei. Nang ni, Abishai ni, Ittai ni am ghangpughang naw thu a ning m’khän gui cu mi van naw mi ng’yak ci nei, ‘Kei ah phäh ah chang nong Absalom cu kä nami ngawn vai.’

2 SAMUEL 19:2

Cu hnüüp ung David ah gakap gui ami van ah näng ne ami yei nak cu thüi nak ah ng’lat ci, a i ah kyasei ci ung ghangpughang cu a hta ah phäh ah a thüi kyah ami ng’yak ah phäh ah kyak ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

ATÜNNAK 37:35

A hta gui pami hnumi ami van naw m’cäi u sei phi, maa na gui ne, “Ka hta ah a hteh nak ah m’htei khaw ah ka hteit khai nei” cine Joseph ah hmawk ah thüi kyap ci.