2 SAMUEL 18:9 - Cho Bible Common Language 2016

⁹ Ang ghit ah Absalom naw David ah chang amshah cu hmu gui ci. Absalom cu sela ng’cum ci, ani cu Oak sing ghing ban ung ng’cep shüt ci. Sela cu dawng ngei sei Absalom cu k’pawih shüt ne khaw häu ung ng’bat ci.

2 SAMUEL 18:9 Referans Kwoze

2 SAMUEL 14:26

Ani ah lu cu shah aih ci, ng’sau law aih ne, gih law aih ne akiak ung kum ät ung hnü ät ci k’teiu ci. Mang im khin nak ung ami khin ung alu sam cu pit thum ah däm ci.

NG'THU K'THUUK~ 30:17

Apa gaih m’gin ne ghi lawk ciah anu päipih ciah chang cu langta gui naw ei khai gui nei, kaap gui naw amik kawih khai gui nei.

JOB 31:3

Katnak bi ci gui ah leigai la nat nak tüih gui ci.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

MAKUH 7:10

Moses naw ang thukhän ung, “Nanu la napa cu nak chang m’sui goi vai, anu pa yüigen ciah chang cu sih nak ung hteit sä,” cine pyein ci.

JEREMIAH 48:44

Kyihkyawk nak ungka phyawng khai ah k’tha nak ci phung cu khui ung kyak khai, khui ungka kai law ba khai ah k’tha nak ci phung cu gui-cuun gui ung ng’awk khai, a i ah kyasei ci ung Moab ah di nak vai ah a khin cu Bawipa naw am hnüt pyi ah kyak ci.

NG'THU K'THUUK~ 20:20

Na nupa na plah taam ung nang ah ghin nak cu hmup khui ung phat ciah mei im ah maih ah ng’pyi khai.

2 SAMUEL 18:14

Joab naw, “Nang awn akhin kä ka ng’pyi sak khai nei” cik ci. Ani naw htei thum la neta, oak sing ghing ung ng’bat ne ghing yah ciah Absalom ah ng’kyang ung ng’täih khai ah shun ci.

2 SAMUEL 17:23

Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

THULÄÄN NAK 27:20

“Khanpughi ah plah taam nak cu apa ah chu tumat mat ng’yawpawm püi ne apa m’thüi ciah chang päng ah khan ah gawk sä.” Chang avan naw ami m’shan vai cu, ‘Amen!’

THULÄÄN NAK 27:16

“Khanpughi ah plah taam nak cu anu, apa, kä m’tamkhah ciah chang päng ah khan ah gawk sä. “Chang avan naw ami m’shan vai cu, “Amen!”

THULÄÄN NAK 21:23

Cun cu mü lüng ne a cu ah kä nawng vai. A cu hnüüp ung m’cim vai. Aksi ah pumsa k’tung ung bah naw khomdek khan ah Khanpughi ah plah taam nak law püi ci. Aksi ah pumsa cu m’cim vai, cun ung Bawipa nami Khanpughi ah ning pek gui ah khaw cu nangmi naw kä nami lelawi sak khai.

MATTHE 27:5

Cun kawn ah Judas cu Pum im kyong ah tangka thumkip cu ghawt shüt netah hteit ba ci. Cun kawn ah a hei lam ah hteit netah gui awn ng’awk ne sik ci.

2 SAMUEL 13:29

Changshäm gui naw Absalom ah m’cäi cu läk u ne, Ammon cu ngawn ci gui. K’pawih ba ciah David ah hta gui ami van cu laa ng’cum u ne dawng ci gui.

2 SAMUEL 18:8

Ami ng’tuk nak cu khawbung avan ung gawk sei, bung hmu ah sik ci cu, ng’tuk nak ung sik ciah ta däm pi ci.

2 SAMUEL 18:10

David ah chang tumat naw hmu neta, Joab am m’thein ci “Bawi aw, Absalom cu oak sing ghing ung ng’bat sei ka hmuk ci nei!” cik ci.