2 SAMUEL 18:5 - Cho Bible Common Language 2016

⁵ Ani naw khän ne m’cäi gui ci, Joab ni, Absalom ni, Ittai ni gui cu, “Kei ah phäh ah chang nong Absalom cu kä nami ngawn vai nei.” Cun ah a bawi gui David naw am cäi gui cu gakap avan naw ng’yak ci gui.

2 SAMUEL 18:5 Referans Kwoze

LUKA 23:34

Bawipa Jesuh naw, “Ngami cu a i ami bi ah ami mät naw kä hmat ci gui nei, m’gein gui ä” cine pyein ci. Chang gui naw Bawipa Jesuh ah a suisak gui cu, m’shüih tawk ne ng’pai ci gui.

SAM 103:13

Ami pa naw a hta gui cu am hni gui ah mäih ah, Bawipa naw amät chang m’sui cicu m’hni gui ci.

2 SAMUEL 18:12

Cun ung phi cun ah chang naw, “Nang naw ngui phia gha na na pek ung phi, kei naw ghangpughang ah hta ah kutpyün phi kä ka tawn khai nei. Nang ni, Abishai ni, Ittai ni am ghangpughang naw thu a ning m’khän gui cu mi van naw mi ng’yak ci nei, ‘Kei ah phäh ah chang nong Absalom cu kä nami ngawn vai.’

2 SAMUEL 17:14

Absalom la Israel gui ami van naw, Hushai ah m’shüm thein nak cu Ahithophela ah m’shümthein nak ah ta bä pi ci nei” cik ci gui. Ahithophela ah m’shümthein nak cu kä ami läk en vai ah Bawipa naw k’bäi ci, cun ah kyasei leibei cu Absalom ah khan ah gawk lawk khai.

2 SAMUEL 16:11

David naw Abishai la a bawi gui ami van am, “Ka mät ah hta naw na ngawn khai ah tha nak ci nei; a i vai shin ah Benjamin chang gui ah phäh ah nami cäicat ang? A shai vai ah Bawipa naw am thein nei; cun ah kyasei amät nawng vä, am hni ah bi sä.

2 SAMUEL 19:1

Absalom ah phäh ah David thüi ne akyah ah mawng cu Joab am m’thein ci gui.