2 SAMUEL 18:2 - Cho Bible Common Language 2016

² Cun kawn ah thum ah k’paai ne tüi gui ci, Joab, la Joab ah nau Abishai, Gath ungka Ittai ni naw tumat ciah matawn ci gui. Cun kawn ah ghangpughang naw ak chang gui am, “Kei ka mät nangmi awn a täng ah ka hteit khai nei” cik ci.

2 SAMUEL 18:2 Referans Kwoze

SUKI GUI 7:16

Ani naw a chang phia thum cu thum ah k’pai gui neta, chang tumat am phyung puuk tumat la akyong ah mei däi ciah um tumat ci pe gui ci.

SAM 3:6

A kit päng ung veing ne nak koi ciah ga phya khak phi kä ka kyih ci.

2 SAMUEL 17:11

Kei naw ka ning m’shümthein cu, nang naw Israel chang avan cu, vang khaw cawi ungka naw vang khaw cawi ung khüt khai ah m’cut gui ä, ngami cu tuikem ah lai gin chü ah da ci gui nei, cun kawn ah ng’tuk nak ung na mät naw ma tawn ä.

1 SAMUEL 11:11

Cumü Saul naw achang gui cu thum ah k’pai gui ci. Kho thaih ung ngami naw ga ah phung cu buuk u ne, Ammonit gui cu hnim gui ci gui. Kho hnüüp law sei ami khli ngawn gui ci gui. Ak pawih gui cu püi ci gui, achang sing ami mät phäh phäh dawng ci gui.

SUKI GUI 9:43

Cun ah kyasei ani naw ak chang gui la gui ne, thum ah k’pai gui neta, loma ung ng’thuh sak gui ne, ngäng sak gui ci. Chang gui mang gaw ung ka lut law u sei ani naw hmu gui neta, ngami ngawn gui vai ah ami ng’thuh nak ung ka lut kawk ci.

SUKI GUI 7:19

Kideon la a chang phia cu kho kä cawih pha mäsei, ngäng ci gui ami ng’thawng thai ung, ga gui ah phung ah k’epp ung gawk lawk ci gui. Ngami naw phyung puuk tum u neta ami kawh ah um gui tupazak ci gui,

2 SAMUEL 23:18

Joab ah phäi Abishai (ani nu Zeruiah) cu “Mingthang ciah thum kip ung ang vai pi ah kyak ci.” Ani naw ak htei awn chang phia thum cu ng’tuk püi gui ne, ngawn gui neta “Thum Kip” ung ang mingthang pi ah kya lawk ci.

1 GHANGPUGHANG GUI 2:28

Cun ah mawng gui cu Joab naw ng’yak ci. (Ani naw Adonijah cu ng’düih püi ci, Absalom cu kä ng’düih püi ci.) Cun ah kyasei ani cu Bawipa ah om nak ah Phung ah dawng ne, sonkiang ah a kit gui cu k’pang ci.

2 SAMUEL 8:16

Zeruiah nu nak ciah Joab cu gakap ah gabawi ah kyak ci; Ahilud ah hta Johoshaphat cu yung bawi ah kyak ci;

2 SAMUEL 21:17

Cun ung phi Zeruiah ah hta Abishai cu David ah kugam nak awn law neta, chang dämcham cu tu ne, ngawn ci. David ah a chang gui naw, David cu ngami awn a täng ah ng’tuk nak ung kä a hteh tuba vai ah shaitak sak ci gui. Ngami naw, “Nang naw Israel gui ah ngaih u ah na kyak ci, keimi naw na sih vai kä kami m’hni ci” cik ci gui.