2 SAMUEL 18:19 - Cho Bible Common Language 2016

¹⁹ Cun kawn ah Ahimaaz ah hta Zadok naw Joab am, “Kei ghangpughang ah dawng ne, Bawipa naw aga gui ah kut ung a hun ah mawng ng’thu ni cu ka m’thein khai nei” cik ci.

2 SAMUEL 18:19 Referans Kwoze

2 SAMUEL 15:36

Ngani ung ani hta goi Ahimaaz la Jonathan cu om ci goi, nami hmuh ng’yak phung avan m’cäi goi ne, ngani cu kei ah nami tüi law hning ci” cik ci.

2 SAMUEL 18:31

Cun kawn ah Sudan changshäm gawk law neta, ghangpughang am, “Ka bawi mang, ng’thu ni ka law püi ci nei! Nang ning hnu ng’tuk ne, ning tuk püi ci gui van ah khan ah tuh ngawi Bawipa naw näng nak ning pek ci nei!” cik ci.

ROMAN 12:19

Teihpüi gui aw, phu kä nami tuk nüng nüng vai, Khanpughi amät naw katnak cu m’htei khai nei. Cacim theing ung, “Kei naw phu ka tuk khai, katnak ah ciah kei naw ka thung khai,” ci ne Bawipa naw pyein ci.

SAM 10:18

Nang naw gein vai ci la hmeihta gui ah kyah cu na ng’yak ci, ngami täng ah om ne na m’khoi chak khai, cun ah kyasei m’dek chang naw kyihkyawk vai ah kä yawshe na sak gui khai.

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.

SAM 9:16

Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

SAM 9:4

Nang naw ng’htei ne düng khai ah na m’khoi chak ci, kei täng ah na m’khoi chak ci.

SAM 7:6

m’lungshe ne tho law, Bawipa! Ng’düi law ne, ka ga gui ah m’lung so nak cu hnu ng’tuk püi gui ä; Na mät tho law ne kei cu na m’htei ä! Taga nak cu nang ah m’düih ah kyak ci.

2 SAMUEL 18:23

Ahimaaz naw pyen ba mä ne, “A i i ah akiak ung phi ka htei hlük ci nei” cik ci. Joab naw, “Hteit ä” cik ci. Cun ah kyasei Ahimaaz cu lam ung dawng ne, Jordan khaw nawi kaan ne, ana hteit ciah changshäm phlän ci.

2 SAMUEL 17:17

Abiatha ah hta Jonathan la Zadok ah hta Ahimaaz cu Enrogela tui hta Jerusalem gaw k’cawi ah ngäng ci goi, a i ah kyasei ci ung, ngani cu chang a hmuh goi vai kyi ne mang gaw kyong ah kä lut ci goi. Changshäm hnumi hta naw a i ai ah kyak ciah a mawng gui cu m’thein law ba goi sei, ngami naw hteit ne ghangpughang David am m’thein ba ci goi.

2 SAMUEL 18:20

Joab naw, “Ka, tuh ngawi nang naw a i ng’thu ni phi kä na hteh püi vai. A hnüüp hei ung na bi hning ci, tuh ngawi cu ghangpughang ah hta ah sih nak hnüüp ah kyak ci” cik ci.

JEREMIAH 51:31

Mang gaw akit päng ung ng’gäi ne a kyak cu ng’shä chang tumat ci naw law gäk gäk ne Babilonia ghangpughang am m’thein lawk ci gui.

2 SAMUEL 15:27

Cun kawn ah Zadok ah hteit ne pyen ba ci, “Teng ä, na hta Ahimaaz la Abiatha ah hta Jonathan cu la ba goi ne mang gaw ah ding gei sei hteit ba vä.