2 SAMUEL 18:18 - Cho Bible Common Language 2016

¹⁸ Amät a ghin yah ung Absalom naw ghangpughang ah khaw nawi ung, amät ah phäh ah lungtung ng’ling ci, a i ah kyasei ci ung ani ung aming m’ghin khai ah a htapa kä om ci. Cun ah kyasei ani naw amät ah ng’ming sui ci, tuh ngawi güt “Absalom ah Lungtung” ah ami hmat ah kyak ci.

2 SAMUEL 18:18 Referans Kwoze

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

2 SAMUEL 14:27

Absalom ung a htapa thum la a hta hnumi tumat om ci, aming cu Tamar ah kyak ci, ani cu ang htei ah kyom ciah hnumi ah kyak ci.

1 SAMUEL 15:12

A ngawi ung kho ngawi hta ani cu Saul hmu khai ah hteit ci. Saul cu Carmela gawnu ah hteit ci, ciah ani naw ng’yak ci, acu ah ani naw amät ah phäh ah lungtung ling ci, cun kawn ah ani cu Gigal ah hteit ba ci.

ATÜNNAK 14:17

Chedorlaomer la a hei ghangpughang gui tu ne näng gui neta, Abram cu law ba ci. Ani do khai ah Sodom ghangpughang cu Shaveh (Ghangpughang ah khaw ng’nawi) khaw ng’nawi ah gawk lawk ci.

SAM 109:13

A hta ng’shon avan si sä, Ng’shon ba ung ani ah ming cu m’hnih u sä.

SAM 49:11

Ami ng’cim hmun cu angtäi sei ami im ah kyak ci; A cun ung angtäi ah om ci gui, cun ung phi ami kho man cu ami ka ah kyak ci.

ATÜNNAK 11:9

Bawipa naw chang gui ah ami ng’thu cu k’caw pe gui ne, khomdek khan avan ung a püi sak nak gui ah kyasei, cun ah mang gaw cu Babilon ah sui ci gui.

ATÜNNAK 11:4

Cun kawn ah ngami naw, “Mang gaw k’süm ne khankho ah hang gawk khai ah tänghän mi co khai. Cun ung mi mät naw mi mät mi mingthang sak ne, khomdek khan ung kä ng’phyeek ng’pai ne mi om khai” cik ci gui.

JEREMIAH 22:30

“Shin ah chang cu a hta nau kä om khai ah m’kyuk pyi nei, ani cu näng nak kä gah phung ciah kyak khai nei. David ah ng’shon m’täm ne Judah uk ba khai ah htangshon ani ung kä om khai nei. Kei, Bawipa naw ka pyen nei.”

KHEI NAK 32:42

Nobah naw Kenath la pigaw gui cu tu ne khäm ne, amät ah ng’ming awn cun cu Nobah ah sui gui ci.

ISAIAH 22:16

“Nang cu a u ah na kyak ciah ang na ngaih? Lungkhen k’pang khui shawk ne, ng’phuh hmun pyan nak hning vai nan gung om ne ang?