2 SAMUEL 18:14 - Cho Bible Common Language 2016

¹⁴ Joab naw, “Nang awn akhin kä ka ng’pyi sak khai nei” cik ci. Ani naw htei thum la neta, oak sing ghing ung ng’bat ne ghing yah ciah Absalom ah ng’kyang ung ng’täih khai ah shun ci.

2 SAMUEL 18:14 Referans Kwoze

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

MATTHE 12:40

Jonah cu nganu ah puk khui ah hnüüp thum la mü thum a om ah mäih ah, chang ah Htapacun phi m’dek khui ah hnüüp thum la mü thum om khai nei.

SAM 45:5

Na m’la gui cu ghat ci, cun gui naw na ga gui ah m’lung cu aat ci, changpakhui gui cu na kho kaa ah ng’zän ci gui.

2 SAMUEL 18:5

Ani naw khän ne m’cäi gui ci, Joab ni, Absalom ni, Ittai ni gui cu, “Kei ah phäh ah chang nong Absalom cu kä nami ngawn vai nei.” Cun ah a bawi gui David naw am cäi gui cu gakap avan naw ng’yak ci gui.

2 SAMUEL 14:30

Cun ah kyasei Absalom naw a changshäm gui am, “Teng vä, Joab ah lo cu kei na ak tawi ci nei, cun ung htang gui tho ci. Hteit ne mei awn m’khih vä” cik ci. Cun ah kyasei ngami cu hteit ne lo cu mei awn m’khih ci gui.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

SUKI GUI 5:26

Ani naw vangtäng awn htung m’shum kawt ne, vangtäng ung bik’bi ah ng’ki kawt ci; Ani naw Sisera ah luk’am cu khen ne güt ci, alu cu ng’täih sak ci.

SUKI GUI 4:21

Sisera cu cüm aih neta ip phiäih ci. Cun kawn ah Jael naw ng’ki la htung m’shum la ne, a pei ah a düm ah hteit neta, a hnga m’ling ung htung k’süh ne, a lu ung ng’täih ne m’dek ung ng’cai khai ah khen ci.

2 SAMUEL 12:10

Tuhbäi, ang shon päng ung, na hta ng’shon amshah cu ng’sai ung sik khai, a i ah kyasei ci ung nang naw ka ng’thu kä na ngai ci. Uriah ah chu phi na gut ci.

2 SAMUEL 18:15

Cun kawn ah Joab ah gakap sing gha naw vun u ne Absalom cu ngawn ci gui.

2 SAMUEL 19:1

Absalom ah phäh ah David thüi ne akyah ah mawng cu Joab am m’thein ci gui.

2 SAMUEL 19:11

Israel chang gui ah ng’htau ah ng’thu cu ghangpughang David ung gawk ba ci. Cun ah kyasei ani naw taigü goi Zadok la Abiathar cu tüi goi ne Judah ng’vai gui cu ng’shi sak gui ci, “A i ah kyasei ghangpughang a mang im ung tha ba nak ung kugam tu vai ah nami shokshü ang?

JOB 20:5

a u chang shekha phi ak shou kä yeikyai man ci.

SAM 37:35

Hnü ät ung m’ghämce ciah chang she tumat cu ka hmat ci, Ani naw Lebanon ah cedar sing ghing ah mäih ah avan cu k’she nak ci.